A Comisión Europea fa responsable a l’Estau espanyol de vulnerar os dreitos de fablants d’aragonés y catalán

Un informe d'a Comisión Europea atribuye discriminación y ataques contra as luengas diferents d'o castellano en o Estau espanyol, entre ellas aragonés y catalán

Josu Juaristi en o Parlamento Europeu. Foto: GUE/NGL (CC-BY-NC-ND 2.0)

Josu Juaristi en o Parlamento Europeu. Foto: GUE/NGL (CC-BY-NC-ND 2.0)

A Comisión responde asinas a unas preguntas de Josu Juaristi, eurodiputau d’EH Bildu – Os Pueblos Deciden, coalición d’a qual forma parte Puyalón de Cuchas. En istas se recordaba un informe d’o Ret Europeu por a Igualdat Lingüistica (ELEN), en que se relataban casos concretos d’ataques, “violacions y discriminación” contra os fablants de catalán, vasco, gallego, asturiano y aragonés entre 2007 y 2013.

L’informe concluye que a discriminación contra as luengas autoctonas distintas d’o castellano ye sistemica en o sistema estatal espanyol y ha plegau a institucionalizar-se. “En o Estau espanyol i hai una falta de respecto y desprecio por as luengas distintas a o castellano a tamás d’a oficialidat de quantas d’ellas y d’os distintos tractaus y convenios internacionals subscritos y ratificaus por dito Estau”, adhibe Puyalón.

En a suya respuesta l’organo europeu incide que “no tien competencias chenerals por o que fa a qüestions relacionadas con a reconoixencia d’a situación d’as minorías u l’uso d’as luengas minoritarias. Os Estaus miembros son competents pa definir a situación churidica d’as minorías nacionals, incluiu a reconoixencia d’os dreitos lingüisticos”.

Seguntes o pareixer d’a organización politica aragonesa, isto “deixa a os estaus como garants de l’obligatorio cumplimiento d’os dreitos ligüisticos d’os pueblos, unos dreitos que en o caso de l’aragonés y d’o catalán se vulneran a diario en o nuestro país”.

Dende Puyalón exichen que “s’empente d’una vez una lei de luengas que oficialice, dinamice y protecha l’aragonés y o catalán, y protecha de traza definitiva os dreitos de todas fablants d’istas luengas”.

Fuent: http://arainfo.org/2015/05/la-comision-europea-hace-responsable-al-estado-espanol-de-vulnerar-los-derechos-de-hablantes-de-aragones-y-catalan/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.