A Comisión Europea investigará a rompedura d’as tierras en o parache caspolino de La Herradura

Ista iniciativa se debe a una interpelación de l'eurodiputau d'IU Willy Meyer a la Dirección Cheneral de Medio Ambient d'a CE

2013-06-24_paraje-herradura2A Comisión Europea ha solicitau a las autoridatz espanyolas que aclareixcan a información disponible sobre a rompedura de tierras producida en o Parache La Herradura, situau en o termin municipal de Casp, y dentro d’a Zona d’Especial de Protección pa las Aus (ZEPA) de Valcuerna, Serreta Negra y Liberola.

Iste pronunciamiento d’a Comisión se produz a resultas de que o pasau 17 d’abril l’eurodiputau d’IU Willy Meyer interpelase a la Dirección Cheneral de Medio Ambient d’a Comisión Europea sobre a rompedura de tierras en dito parache.

A Comisión reconoixe en a suya respuesta que no’n disponeba d’información y que guaranciará lo disposau en Directiva d’habitats que proteche iste puesto en formar parte d’o Ret Natura 2000.

Willy Meyer ha sinyalau que “istas zonas de protección no son un concieto d’autoridatz supranacionals”, sino que constituyen “os zaguers repuis que s’han puesto preservar d’o salvache uso d’o territorio que entre anyos s’ha produciu en o nuestro país”. Seguntes Meyer, “si permitimos a violación d’ista mena de proteccions seríanos complices d’a politica de ‘tot vale’ imperant, que nos ye levando t’o colapso medioambiental”. 

“Ista destrucción ha estau basicament o motor d’o modelo economico espanyol dica o prencipio d’a crisi y no podemos permitir que contine estando-ne”, afirmó l’eurodiputau.

Por a suya parte o diputau en a Cortz d’Aragón Miguel Rusto ha explicau que “en a rompedura s’han perdiu 140 hectarias forestals de xarramata mediterrania que suposan un habitat indispensable pa la reproducción d’aus protechidas”, por o que “asperamos que l’intrés d’a Comisión por o caso leve a esclarir as responsabilidatz de ditas rompeduras que s’han produciu pese o fuerte impacto que suposan pa la fauna y flora d’o puesto”.

Fuent: http://www.cronicadearagon.es/wordpress/?p=42140

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.