A Comisión Europeya deixa fuera d’as inversions a TCP

O corredor mediterranio si que ye incluyiu entre as diez infraestructuras prioritarias

A presidenta d'o gubierno en o Parlament Europeu

A presidenta d'o gubierno en o Parlament Europeu

Como ya adebantaba l’atro diya o president d’a Comisión de transportes d’o Parlament europeyo, a Comisión Europeya ha feito valer o peso d’a población y os puertos maritimos ta deixar fuera d’as inversions prioritarias a TCP, frent a lo corredor mediterranio.

Ixe corredor mediterranio recorre tota a costa d’o levant iberico, dende Almeria enta Francia, pasando por Valencia y Barcelona, y seguntes o documento presentau huei por Bruselas premite chunir os nodos de Valencia y Sevilla. La triga de diez infraestructuras prioritarias d’a Comisión ha d’estar encara negociada con os paises miembros d’a UE y o Parlament Europeyo, pero parixe que a Comisión ya ha negociau cadaguna d’as infraestructuras proposadas, que incluyen, amás, a conexión Madrid-Lisboa, y l’eixe atlantico entre Francia y Portugal por o País Vasco y Castiella-León.

A Unión Europeya meterá más de 32.000 millons d’euros ta istas infraestructuras, que ferán parti d’entre un 15 y un 30% d’a inversión de cadaguna d’ellas. A resta, habrá d’estar comprometida por os estaus implicaus.

A presidenta Luisa Fernanda Rudi no ha dau a TCP por tresbatida, encara que ha reconoixiu que ye complicada a suya construcción. “Hemos perdiu una baralla, pero no la guerra”, ha dito, dimpués de culpar a o gubierno espanyol de manca de firmeza ta esfender a TCP y refirmar en cambeo o corredor mediterranio.

As Cortz aragonesas tamién han refirmau a TCP, y totas as collas parlamentarias han manifestau a suya repulsa a la decisión d’a Comisión Europeya.

7 Rispuestas a A Comisión Europeya deixa fuera d’as inversions a TCP

  1. Espanya ratifica lo que en sabiamos, somos lo forau de lo boforon, ¿A qui se le fa raro agún?…Nomas que aprecian a ista tierraque ta terreno melitar, entibos, cementerios nucleyars, deudas historicas….y encima pareixe que cal estar agradeixiu por que a espanyol no gana ni San Pedro, más papistas que o Papa….cuanta luita y patriotismo manca, asinas imos…Agora a los espanyolistas d’Aragón lis pregunto ¿Agora qué? ¿Agún no vos queda claro que no nos quieren?¿Qui ye capaz de decir-me a inversion en infraestructuras y desembolic social de l’estau espanyol en ista tierra clamada Aragón? ¿Chugaremos a estar os más espanyols?¿Continaremos dando-lis más votos ta que continen ixublidandose-se d’a nuestra tierra?…..

  2. Pos mira, una mala noticia t’os catalans, pero buena ta nusatrxs… As necesidatz d’a economía aragonesa pasan por Canfranc, y no pas baixo lo Vignemale, que no ye que una nueva traza sozmeter territorios a o dictau d’o capital.

  3. Ixo ye Mauricio tiens razón, mui mala notizia ta os catalans tien que istar plorando a embute, snif! que tristura. Ta os bascos tamién, se van a quedar sin güaire d’as montañas, sin onsos, rabosas, chizardos y sin florexetas, pior ta ellos coñe, nusatros hemos de conserbar a naturaleza ta poder benir en vacanzas a desfrutar-las dende ande estiemos emigraus ta mirar de treballar porque aqui no bi ha brenca ta escar-se a bida… Disincusa o mio zinismo Maurizio, pero istamos en o sieglo XXI. Lo Canfranero ye una estreutura feita prauticament con a inchenieria d’o sieglo XIX, puet estar mui bueno ta transportar presonas y bella mercaderia sin dubda, pero enguan y en o futuro ye platero que ye insuficient. Tiens dica o 2050, profita y desfruta, t’alabez muitos istaremos apedecaus y ta atros a mesma cosa les fará un abión que un submarino.

  4. Puestar que o Canfranero sia feito con a incheniería d’o sieglo XIX, pero lo tuyo discurso (y totz os que esfienden as TCPs, Y griegas vascas, Corredors mediterranios, etc.) ye feito con as ideyas economicas y socials d’a primera metat d’o sieglo XX de raso: no bi amanixen as custions de desenvoliq durable y sostenible, no bi ha que creixer y creixer a tot estrús.

    Son anviestas diferents. Ixo sí: con a esfensa d’o Canfranc y o refús d’a TCP se puet empencipiar a treballar-ie y a dixar de plorar manayana mesmo.

  5. @Carlos PLAS,PLAS,PLAS!

  6. O único beneficio d’a TPC habrian estau as dos décadas de foradar, remenar runas, atelar as obras…

    Dos décadas con muitos salarios de por meyo. Dos decadas talment de enronar vals con o recebo d’o tunel. Dos decadas de mamoneo politico trafego d’influencias y comisions.

    Dimpués d’ixo a riqueza que pudiera dixar una linia de tren de mercancias de trasporte a larga distancia estaría chicota, muit chicota.

    ¿O prochecto de Canfranc? Cosa… ixo no interesa. No sirve ta exportar basuera a l’africa ni ta importar productos agricolas a europa… Cosa, ixo solo interesaría a Aragón. quita quita

Responder a Cato Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.