A conferencia de paz demanda a ETA que ature l’actividat armada

A os gubiernos tamien demandan, dende Sant Sabastian que ubran o dialogo ta la fin d'o conflicto

Bertie Ahern leye o comunicau d'a conferencia de paz (Foto: Gara.net)

Bertie Ahern leye o comunicau d'a conferencia de paz (Foto: Gara.net)

A declaración oficial d’a conferencia de paz ha demandau a ETA que ature l’actividat armada. Tamién reclama a os gubiernos que den a bienplegada a un posible comunicau d’ETA con a fin d’a violencia y a ubrir un proceso de dialogo.

L’ex-primer ministro irlandés Bertie Ahern, ha leyiu o comunicau en que ha quiesto remarcar que o conflicto vasco ye o zaguer conflicto armau en Europa. Tamién han demandau encetar o camin d’a reconciliación, o reconoiximient d’o mal feito y a compensación y asistencia a totas as victimas.

Ni o gubierno espanyol ni o vasco han refirmau a convocatoria de Lokarri ta ista conferencia de paz, pero si lo refirma o partiu que gubierna en as dos institucions. O PSE acude a la cita con a intinción “de demandar a ETA que deixe as armas”. Qui si ha estau en Sant Sabastian son ripresentants d’os socialistas franceses y d’a UMP de Sarkozy.

Pero a conferencia tien un punto d’intrés más. Dende fa un par de semanas s’especula con un nuevo comunicau d’ETA y o diario britanico The Guardian ya diz que ETA podria anunciar o suyo fin ista mesma semana. A cucha abertzale ya ha anunciau ta maitin que fera una declaracion oficial sobre a conferencia y un posible comunicau de ETA.

Con ixa perspectiva presonalidatz politicas d’os zaguers anyos, como l’ex-secretaire cheneral d’a ONU Koffi Annan, o president d’o Sinn Feinn, Gerry Adams, u l’ex-primer ministro d’Irlanda Bertie Ahern s’han achuntau con os ripresentants de partius politicos (fueras de PP y UPyD), sindicatos y achents socials vascos. O colectivo de victimas d’o terrorismo ha quiesto entregar exemplars de libros d’historia d’as victimas y una carta en considerar que no se  lis heba convidau a participar-ie en a conferencia.

O president vasco, Patxi López, ha dito dende Nueva York, que aspera que “ETA aproveite iste scenario ta dixar as armas”.

Lokarri ha enchegau un canal d’streaming an que se ha puesto veyer l’acto de recepción d’os delegaus entrenacionals y a lectura d’o comunicau de conchunta.

Live streaming video by Ustream

4 Rispuestas a A conferencia de paz demanda a ETA que ature l’actividat armada

  1. ¿Anda que si se les acotola ixo d’a ETA cual estará o vinient “sacasaines” ta meter miedo a la chent?

    Buena suerte ta toda la cehnt d’o Pais Vasco! Enhorabuena!

  2. Si bell uns anuncian agora que dixan as armas -que no creigo perque ixos etarras no sapen de fer atra cosa- a bell otris lis s’espicha a pirina d’os uegos d’oro d’os votos.

    Qui sape, puet qu’istas sigan as zagueras eleccions que ganen as dreitas, perque como tiengan que vender-sen con o suyo pograma electoral van daus.

  3. Pienso que os nazionalistas bascos de cucha istan chugando una güena estratechia cara as elezions 20N y asinas d’atro canto profitar tamién ta que os suyos “soldaus” d’ETA dixen as armas d’una traza dinna baixo a cobertura d’una conferenzia de paz y escar l’amistia da suya chen en garlocha. No me cuaca brenca ixa mena de luita con o tiro en o tuzuelo, manimenos ye un trango important ta acotolar a biolenzia y tirar tadeban con a suya independenzia.

    • Ye muito inportant veiyer como as chentes d´as dreitas d´o estau espanyol dizien garra cosa ta acotolar dito proceso de biolencia conchunta nas suyas facheras d´os periodicos . No quieren amortar con a biolencia ni veyer o camin enta a chusticia, ta totz. Ye un buen negocio ta l´estau. O colonialismo ye un buen negocio y o control sozial tamién yé parte de ell. Ixo si, os trangos han de plegar de todas partis ta ferse cosa de fundamento. As torturas, engarcholamientos,… no aduyan a bell proceso de resolución.
      Cadagún sabe cuan ye a pilota en a suyo tejado.
      O mio pueblo en quiere a paz, con P de chusticia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.