A cucha gana as eleccions lechislativas en Lituania

Han prometiu puyar o chornal minimo y enamplar os programas socials

Alguirdas Butkevicius, lider d'o Partiu Socialdemocrata (Foto: Wikipedia)

Alguirdas Butkevicius, lider d’o Partiu Socialdemocrata (Foto: Wikipedia)

A cucha lituana ha ganau iste domingo as eleccions lechislativas en o país baltico y saca a mayoría parlamentaria a la coalición de dreitas que gubernaba y que paga o descontento popular con a suya politica d’austeridat, corrupción y retalladas. Seguntes os resultaus oficials preliminars dimpués de l’escrutinio d’o 90% d’os votos, o Partiu Socialdemocrata de Lituania (PSL) de Alguirdas Butkevicius consiguió 22 escanyos en as cicuncripcións mayoritarias disputadas en a segunda ronda electoral, han informau as achencias locals.

D’ista traza, o PSL sería o ganador d’os comicios parlamentarios con 38 diputaus, ya que en a primer ronda d’o pasau 14 d’octobre consiguió 16 escanyos. En segundo puesto bi ye o Partiu d’o Treballo (PT) que sumaría 30 escanyos en a Seima lituana (Lechislativo), ya que fa dos semanas estió a formación más votada por listas de partius con 17.

Istos dos partius sinyoron dimpués d’a primer ronda un pacto electoral con Orden y Chusticia, a formación liderada por l’expresident Rolandas Paksas, que entre as dos votacions plegoron en 11 diputaus.

Alguirdas Butkevicius, a un trango d’estar primer ministro

D’alcuerdo con istos resultaus, istos tres partius sumarían 79 escanyos, más d’a metat d’os que calen ta fer una mayoría en o Parlamento (141) con o que muito probablement o primer ministro lituano será o lider d’o PSL, Alguirdas Butkevicius.

Entremistanto, a Unión por a Patria d’o primer ministro, Andrius Kubilius, y os suyos aliaus democristians consiguioron salvar o tipo en a chornada d’o domingo con 21 escanyos, que cal adhibir-les-ie os 12 posientos conseguius por o sistema proporcional, un resultau millor que no s’asperaba a priori.

En a votación, a on que participó poco más d’un tercio de l’electorau, se repartioron 67 escanyos d’as circunscripcions mayoritarias que quedoron vuedas en a primer ronda d’o pasau 14 d’octobre.

Chornal minimo, programas socials y retardar l’ingreso en l’euro.

En caso de gubernar, a cucha lituana ha prometiu puyar o chornal minimo, incrementar os programas socials, y retardar l’ingreso en l’euro dica 2015.

Manimenos, os analistas creyen que a libertat de maniobra d’a cucha lituana será chicota, a causa de que cal achiquir o deficit publico y demandar urchentement creditos d’estabilización. A economía lituana creixió un 5,8 %, o mayor indicador d’os ventiun y un 3% o primer semestre d’ista anyada. Con tot y con ixo, a desocupación ye d’arredol d’o 13% y un de cada cinco lituanos vive por debaixo d’a muga d’a pobreza, de traza que muitos habitadors d’iste país de mayoría catolica s’han visto obligaus a emigrar.

Fuent: http://noticies.sirius.cat/2012/10/lesquerra-guanya-les-eleccions.html

Una rispuesta a A cucha gana as eleccions lechislativas en Lituania

  1. ¡Larga vida a la patria del tío Gediminas!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.