A cucha independentista remerará l’asesinato de Chuan de Lanuza, Chusticia d’Aragón

Os diyas 20 y 22 d'aviento s'han convocau diferents actos revindicativos

20-daviento-2012En amanando-se o cabo d’anyo de l’asesinato de Chuan V de Lanuza, o mozo, en 1591, a cucha independentista ye parando actos ta remerar a suya figura y o significau historico que tien t’o país. L’acto central ye convocau por o partiu Puyalón de Cuchas, qui convida a totz os ciudadans aragoneses a ir ta l’acto politico que ferán, de conchunta con a resta d’a cucha independentista aragonesa en a Plaza d’Aragón, dezaga d’o monumento a Chuan de Lanuza V. Ista organiazción entiende os feitos que pasoron fa ya más de 400 anyadas como una retallada d’as libertatz d’o pueblo aragonés d’alavez.

“Hue ye de destacar que somo sufrindo de man de l’estau espanyol atras retalladas endrezadas ta achiquir a nuestra capacidat de chestión como pueblo y a acotolar os dreitos y libertatz socials, conseguius en iste país mientres anyadas de luita contra as oligarquías tanto aragonesas como de difuerad ‘o nuestro País”, se diz dende Puyalón.

O paritu remera o quasi 20% d’ature en o país y as retalladas de tot lo “que yera estau clamau estau de bienestar: educación, sanidat, pensions, servicios socials y mesmo chusticia” y entiende ista celebración como “un acto de reivindicación nacional y social que anime a dispertar a lo pueblo aragonés ta reclamar lo que por historia y chusticia ye d’o pueblo treballador aragonés”. Seguntes ista formación, a salida d’a crisi ye conseguir “un Aragón independient de l’estau espanyol y o cambio de sistema economico ta un sistema más social, chusto y solidario.”

Os actos prencipiarán con a charrada “20 d’aviento: Memoria d’una ausencia politica” que se ferá o mesmo 20 d’aviento a las 19:30 en a facultat de Filosofía y Letras de Zaragoza. O colectivo universitario “Universidat” ferá, antimás d’a charrada, una borina – audición en o TNT Club, dende as 23. O sabado a las 12:00 será o debandito acto politico central en a Plaza Aragón de Zaragoza. Dimpués, A Enrestida en o suyo local celebrará una chenta popular y bellas actividatz que rematarán con una Borina – audición en o bar Bohannon.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.