A Cucha independentista remerará o bombardeyo d’Alcanyiz fa 75 anyadas

Puyalón de Cuchas y Purna no quieren que iste feito historico se quede ixublidau

cartelIste domingo se fan 75 anyadas dende que, en 1938, l’aviación lechionaria italiana bombardease a ciudat d’Alcanyiz mientres a Guerra civil espanyola. A cucha independentista organiza un acto ta remerar istos feitos en a Plaza 3 de marzo, d’a capital d’o baixo Aragón.

Se quiere asinas homenachear a las victimas d’o bombardeyo, que o numer suyo no se conoix, pero podrían estar-ne más de mil, ta que “o pasau no s’ixublide y se faiga chusticia”.

O bombardeyo deixó cayer más de 150 bombas sobre Alcanyiz, pillando desprevenius a los ciudadans que, a tamás, d’os refuchios que teneban, no podioron fuyir d’a esferra. O frent encara yera luen, a bells 70 kilometros y, ta forro de bota, as sirenas no funcionoron. Once diyas dimpués d’o bombardeyo, as tropas nacionals dentroron en a ciudat y acusoron a “os royos” d’haber feito ixe bombardeyo.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.