A cucha sobiranista asturiana salió a la carrera en o diya d’Asturias

Qualques cientos de personas participoron en a manifestación unitaria que recorrió as carreras d'Oviedo iste 8 setiembre.

Imachen d'a movilización por as carreras d'Oviedo. (Foto: InfoAsturies)

Imachen d’a movilización por as carreras d’Oviedo. (Foto: InfoAsturies)

A iniciativa #LluchandoPolaSoberanía desembolicó iste luns una movilización por as carreras d’Oviedo, que encetó pasadas as 12:30 horas con una manifestación encabezada por una pancarta con o lema “Pa tresformar Asturies #LluchandoPolaSoberanía” (Ta trasformar Asturias #LuitandoPorASobiranía). A lo largo d’o recorriu os manifestants chiloron lemas vinculaus a reivindicacions nacionals, obreras, u feministas, tematicas que tamién tenioron o suyo espacio en as distintas aturadas desembolicadas a lo largo d’a manifestación.

En a primer d’ellas, en a siede de Caxastur, os treballadors d’o Mataderu Central -en representación d’as Asambleyas de Treballadoras- explicoron a suya luita, ta posteriorment dar a parola a l’Asambleya de Desemplegadas y Precarias d’Asturias, con cartels an que se denunciaba a emigración forzada y se reclamaba un esdevenidero ta Asturias y en Asturias.

A siguient aturada, debant de l’edificio historico d’a Universidat d’Oviedo, corrió a cargo d’a chovenalla de Darréu y a Xunta Estudiantil Asturiana, que facioron un repaso a las problematicas estudiantils, socials, laborals, d’os chovens asturians, de vez que reivindicoron a sobiranía como o camín ta iguals. O tercer punto reivindicativo estió en a Plaza d’o Concello d’Oviedo, an que a Plataforma Feminista d’Asturias amostró as suyas problematicas y reivindicacións en clau de chenero.

A movilización aturó de nuevo en  a Plaza d’o Sol, an que un miembro d’o Espaciu La Llegra fació una intervención en eonaviego en clau d’ecolochismo y meyo rural, ta dimpues continar o recorriu dica o punto final, en a Plaza’l Paragües, an que tenió puesto un acto politico con a lectura d’o manifiesto convocant, asinas como lo saludo d’as diferents organizacións que refirmoron a movilización: Conceyu Abiertu, Compromisu, Plataforma Feminista d’Asturies, Andecha Astur, Iniciativa Comunista, Darréu, Xunta Estudiantil Asturiana, Paraos/es y Precarios/es, Asamblees de Trabayadores en Llucha, Comité Asturianu de Solidaridá cola Ucraína Antifacista, o la Corriente Sindical d’Izquierda.

Ta rematar a chornada, una chenta popular en a mesma plaza y chuegos tradicionals mientras toda la tardi, en una chornada de reivindicación alternativa a las actividatz gubernamentals.

Fuent: http://www.infoasturies.net/index.php/asturies/item/3814-la-izquierda-soberanista-sali%C3%B3-a-la-cai-pa-tresformar-asturies#.VA72SXBSh1Q

Una rispuesta a A cucha sobiranista asturiana salió a la carrera en o diya d’Asturias

  1. Pingback: A cucha sobiranista asturiana salió a la carrera en o diya d’Asturies » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.