A D.Ch.A. destinará 4,2 millons d’euros a convenios con equipos esportivos

O Reyal Zaragoza no recibirá diners por o suyo concurso d'acreedors

Bermúdez de Castro (Foto: D.Ch.A.)

Bermúdez de Castro (Foto: D.Ch.A.)

O gubierno d’Aragón ha decidiu cambiar a traza de colaborar con os equipos esportivos d’elite d’Aragón. Dende agora os patrocinios esportivos pasarán a estar convenios de colaboración con a ideya de que den contrapartidas t’a sociedat. Antimás a cantidat de diners destinaus ta iste afer se retalla en totz os clubs.

O más afectau por a retallada será o Reyal Zaragoza. No recibirá garra euro debiu, seguntes o conseller de Presidencia Roberto Bermúdez de Castro, a la situación economica de o club, que ye en concurso de acreedors. Antimás, ni a Sociedat Esportiva Uesca, tamién de futbol, ni o club zaragozano, continarán tenendo o patrocinio de Aragón TV.

Os equipos que sí que recibirán diners d’o gubierno son: Basket Zaragoza 2002 y Sociedat Esportiva Uesca, con 940.000 euros cadagún, o Club Esportivo Balonmano Aragón (517.000), Club Balonmano Uesca (376.000) Agrupación Club Voleibol Teruel (352.000), Agrupación Esportiva Sala 10 (329.000), o Club de Baloncesto Penyas Uesca (225.600), l’Asociación Esportiva Basket Zaragoza Club Esportivo (159.800), l’Asociación Esportiva Transportes Alcaine y Club Voleibol Zaragoza (112.800), Asociación Esportiva Club Chelo Chaca (65,800), Club Atletismo Zaragoza Scorpio 71 (54.000), l’Asociación Esportiva Fútbol Sala Zaragoza 2002 (37.600),l’Asociación Esportiva Escuela Waterpolo Zaragoza (37.600), Club Esportivo Disminuidos Físicos de Zaragoza (18.800),l’Asociación Esportiva Badminton Uesca (6.000), Stadium Casablanca (4.000), Stadium Venecia (2.200) y Estadio Miralbueno El Olivar (2.200).

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.