A DCHA pagará o verano d’os mayestros interinos

Unos 5.000 docents interinos se beneficiarán d'ista mida de l'Executivo aragonés

edificio_pignatelliA la fin, a DCHA empecipiará a pagar o verano a os docents interinos. Anque ista decisión ye estada presa una mica tardi, l’Executivo cumple bells “compromisos de prencipio d’a lechislatura”. Ista mida entrará en vigor iste mesmo curso y, seguntes l’Administración, afectará a bells 5.000 docents.

Con l’obchectivo de reconoixer o treballo d’os mayestros pa que desenrollen o suyo treballo en condicions y con a maxima calidat, s’ha d’enantar a contractación d’os interinos, o qual ha permitiu que istos profesionals sigan incorporaus dende l’uno de setiembre, y no lo día previo a o prencipio d’as clases como ocurriba en a zaguer lechislatura.

O cobro d’os meses de verano por parte d’os mayestros interinos desapareixió en 2.013, quan l’Executivo PP-PAR lo deixó sin dotación presupuestaria. D’ista forma bell retallo de l’anterior gubierno ha desapareixiu, o qual yera una qüestión fundamental pa os sindicatos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.