A Declaración de Zaragoza exiche a o Gubierno espanyol la reforma immediata d’o sistema tributario local

Os responsables d'economía de siet d'as mayors ciudatz reclaman una Lei de Financiación Local suficient y sostenible, con criterios de progresividat y chusticia social, y que as necesidatz socials no se subordinen a os plans economicos y financiers y de reequilibrio previstos en a lei d'Estabilidat Presupuestaria

Foto: Daniel Marcos (Ayuntamiento de Zaragoza).

Foto: Daniel Marcos (Ayuntamiento de Zaragoza).

Os responsables d’Economía y Ficienda de siet d’as mayors ciudatz d’o Estau, todas ellas con mas de 200.000 habitants, suscribioron o pasau día 17 de setiembre a Declaración de Zaragoza, en a quala exichen a o gubierno espanyol que, con caracter immediato, s’aborde a reforma de tot o sistema tributario d’as administracions locals.
A reclamación d’a reforma exichida en a Declaración de Zaragoza acaza que dita reforma guarencie, por un costau una Lei de Financiación d’os Concellos suficient y sostenible con criterios de progresividat, chusticia social y sostenibilidat meyoambiental, y d’unatro, a modificación d’a Lei d’Estabilidat Presupuestaria y Sostenibilidat Financiera ta que as necesidatz socials no sían subordinadas a os plans economico-financiers de reequilibrio previstos en dita lei.
Finalment, istas ciudatz colaborarán mutuament arredol d’istes criterios esencials como objetivos y en l’empento d’una nueva mayoría social de cambeo.
A declaración ha estau suscrita por os responsables d’Economía d’os concellos de Madrit, Barcelona, Zaragoza, Alacant, Compostela, A Coruña y Badalona.

Fuent: http://arainfo.org/2015/09/la-declaracion-de-zaragoza-exige-al-gobierno-central-la-reforma-inmediata-del-sistema-tributario-local/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.