A Denominación d’Orichen Protechida de Carinyena empenta a Ruta de Verano d’o Vin d’as Piedras

A D.O.P. Carinyena ufre un cabo de semana en chulio a on se fomentará o turismo enolochico y cultural d'a comarca

docarinyena

Foto: D.O.P. Carinyena

O sabado 20 y o domingo 21 de chulio serán os diyas trigaus pa realizar-se a Ruta de Verano d’o Vin d’as Piedras, que contará con multiplas actividatz artisticas y turisticas arredol d’os vins y bodegas d’a comarca. O prochecto busca “fomentar o turismo enolochico, a restauración y o patrimonio cultural de forma permanent en os 14 municipios y as bodegas d’a D.O.P. Carinyena”.

I habrá multiples scenarios entre os quals se troba seis bodegas situadas en Carinyena (Grandes Vinos y Viñedos, San Valero – Grupo BSV, Ignacio Marín y Solar de Urbezo), Paniza (Bodegas Paniza) y Longars (Covinca). Amás i habrá atros dos puntos adicionals, o lugar de Longars y o Centro d’Interpretación d’o Ferrocarril de Carinyena). Amás en cada bodega se diferenciará dos scenarios: uno pa tastar os vins, y unatro a on se desarrollará actividatz y actuacions de mosica, danza, pintura, machia, literatura, humor, visitas teatralizadas, etc.

Destaca actuacions como a de Joaquín Sabina, chunto a las actuacions d’atros artistas que i actuarán en bell pase, de baldes y con aforo amugau, con a retirada d’un tiquet pa acceder-ie sin pagar.

A organización meterá servicio d’autobuses que podrá fer-se servir de baldes por o publico que i vaiga y que ferá a ruta por os diferents scenarios con freqüencias curtas. Dende Zaragoza, mediant Viajes Halcón, se dispondrá d’autobuses a un pre de 5€.

Pa los mas chicotz, i habrá ludoteca en Bodegas Covinca, y animacions infantils y machia en Bodegas Paniza. O sabado se celebrará una cena en Bodegas San Valero, amugada a 100 personas mediant reserva y con un coste de 50 €.

Totz os estableiximientos hostelers d’a comarca serán ubiertos y amás as bodegas ufrirán os suyos vins a pres mas baixos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.