A DGA apreba un fondo d’Inclusión Social dotau de 7,6 millons d’euros

Os diners irán destinaus a diversos frents como, por eixemplo, as escuelas infantils u bien ta financiar os gastos de vivienda d'ixas personas que sían en un proceso de desafucio

Roberto_Bermudez_de_Castro_y_Jose_Luis_Saez_Casado_49121O Gubierno d’Aragón ha confirmau l’immediato encete d’un fondo de 7,6 millons d’euros t’a Inclusión Social y Aduya Familiar Urchent, que ha estau aprebau en o zaguer Consello de Gubierno y que a suya quantía prencipiará a estar transferida a os Departamentos encargaus de chestionar o fondo.

Seguntes ha confirmau Roberto Bermúdez de Castro, consellero de Presidencia y Chusticia d’a DGA, dimpués d’a celebración d’o Consello, o Departamento d’Educación, Universidat, Cultura y Esporte de conchunta con l’Instituto Aragonés d’Emplego y l’Instituto Aragonés de Servicios Socials serán os encargaus de chestionar os diners, incluyiu en o suyo correspondient posiento d’os Presupuestos ta 2013. D’os 4.589.000 euros que manullarán, un total d’1,6 millons d’euros irán ta las escuelas infantils y atras actuacions educativas, 1,4 millons ta tallers y centros especials d’emplego y 1.589.000 d’euros ta aduyas socials y familiars urchents.

“Amás d’istas cantidatz, o Fondo lo completan atras dos partidas dica aconseguir a cifra de quasi 7,6 millons d’euros. Os Presupuestos de 2013 replegan 1 millón d’euros consignaus en l’Instituto Aragonés de Servicios Socials ta aduya social y familiar urchent y 2 millons d’euros mas ta atender dos linias d’aduya en o sector d’a vivienda, tanto ta rehabilitación como t’o loguer”, ha apuntau o consellero. Como yera d’asperar, istas aduyas t’a vivienda tendrán como destinatarios ixos ciudadanos que tiengan serias dificultatz -u sían embolicaus en procesos de desafucio- ta pagar o suyo loguero, gastos de comunidat u seguros.

Fuent: http://www.aragon2.net/n-20605-702-DGA_aprueba_fondo_Inclusion_Social_dotado_76_millones_euros

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.