A DGA reconoixe una deuda con proveyedors d’entre 300 y 400 millons d’euros

O consellero d'Hicienda ha esfendiu o nuevo plan de Cristobal Montoro que, seguntes as previsions, permitirá pagar con nomás un retardo de 30 días

Jose_Luis_SazJosé Luis Saz, consellero d’Hicienda d’o Gubierno d’Aragón, ha confesau a os meyos de comunicación que Aragón debe “uns 300 u 400 millons d’euros” a os suyos proveyedors, a os quals paga con un retardo de 80 días, u 100 en o caso d’a rama sanitaria. Un periodo temporal que, dimpués d’a proposición d’Aragón en o zaguer Consello de Politica Fiscal y Financiera (CPFF), pasará a estar de 30 días. En dita cita, Saz solicitó a o ministro d’Hicienda, Cristóbal Montoro, tener en vigor un mecanismo de pago que permitise a las autonomías no pagar con mas d’un mes de retardo, proposición que fació goyo y que, en bella mida, ha estau ya presentau.

Días dimpúes de celebrar-se o CPFF, Montoro ha dau a conoixer un mecanismo de pago a proveyedors “diferent” y que, seguntes Saz, “no chenera gasto y no impacta en o deficit, pero que facilitará liquidez ta poder pagar y estar a 30 días”. “A la vista d’os resultaus, sí ha estau ascuitada a nuestra proposa y ye una buena noticia”, ha comentau satisfeito o titular aragonés d’Hicienda.

Saz ha asegurau que iste mecanismo cal ta todas as comunidatz ya que, mesmo as que tienen o 100% d’o suyo financiamiento cubierto (Aragón tien o 80% y contará en breu con a totalidat), en a mayoría d’os casos s’arrocegan deficits anteriors que empachan pagar a 30 días. Agora, ta que iste nuevo mecanismo salga ta debant, caldrá contar “con o Tresoro, con as entidatz financieras, y establir una estructura financiera, que no sabemos quála va a estar, con un coste razonable ta las administracions publicas”, ha matizau o consellero aragonés.

Chusto dimpués, ha esfendiu un “deficit equitativo” ta todas as comunidatz autonomas, una cosa que ya ha esfendiu fa tasament un día o consellero de Presidencia , Roberto Bermúdez de Castro. “Yo soi aquí ta esfender os intreses d’os aragoneses y mantengo que esfenderé que o deficit ha d’estar equitativo”, ha rematau antes de remerar que o cumplimiento d’o deficit s’alazeta en “esfuerzos d’os ciudadanos”.

Fuent: http://www.aragon2.net/n-20741-503-DGA_reconoce_dueda_proveedores_entre_300_400_millones_euros

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.