A DGA zarra o convenio con Renfe mantenendo a mayoría de linias y servicios

A linia entre Chaca y Uesca nomás funcionará os cabos de semana, mientres que i habrá bella supresión en bell tramo entre Zaragoza, Calatayut y Ariza

Gara de Delicias (Foto: Wikipedia)

Estación de Delicias (Foto: Wikipedia)

O Gubierno d’Aragón ha plegau en un acuerdo con Renfe pa mantener a mayoría d’os servicios ferroviarios en Aragón, fendo una aportación economica de 13.248.000 € mientres os anyos 2013-2015. O consellero d’Obras Publicas, Urbanismo y Transportes, Rafael Fernández de Alarcón, ha destacau que ha estau un treballo “realment duro” pa mantener a mayoría de servicios ferroviarios de media distancia deficitarios economicament.

Qualques linias se veyerán obligadas a retallar o suyo servicio. Ye o caso d’o tramo entre Calatayut y Ariza, que deixará de funcionar tres diyas, y un diya de perda de servicio en o tramo entre Zaragoza y Calatayut. Agora que, se zarrará a linia Chaca-Uesca fueras d’os cabos de semana, que dará servicio. Entre Teruel y Valencia se retallan seis trens semanals, o qual se veye con incertidumbre, pues podría zarrar-se definitivament a linia en o futuro en no plegar a circular 300 trens cada mes. A resta de linias continarán, y mesmo, seguntes o consellero “s’amillorarán os horarios”. En abril, y aintro d’o convenio, s’aspera que aumenten os servicios ta Uesca, Monzón y Alagón.

Tamién se permitirá de puyar bicicletas en as linias que vaigan ta Chaca y ta Teruel. Mientres, os servicios d’alta velocidat no sufrirán garra cambeo, encara que o gubierno aragonés preba d’adequar o suyo pre a o pre d’os rechionals.

Os servicios que deixarán de dar-se serán cubiertos por autobús, tamién financiau por a DGA, como asinas ha explicau o consellero, que ha indicau que prencipiarán o suyo servicio o venient 1 de chulio.

Una rispuesta a A DGA zarra o convenio con Renfe mantenendo a mayoría de linias y servicios

  1. Pingback: IU califica el convenio con Renfe como un “mal negocio” para Aragón y critica la sumisión del Gobierno a los recortes de Fomento | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.