A Dirección Cheneral de Consumo ha feito una valuración positiva d’as residencias privadas d’Aragón

Mas d'o 80% d'as actuacions de control realizadas obtienen una valuración positiva

Foto: Gubierno d'Aragón

Foto: Gubierno d’Aragón

A Dirección Cheneral de Consumo d’o Gubierno d’Aragón, d’alcuerdo a la Lei de protección y defensa d’os consumidors y usuarios d’Aragón, ha realizau entre mayo y chuliol una campanya de control en 85 estableiximientos asistencials privaus pa mayors ubicaus de barra a barra d’Aragón. En a campanya s’analisan dreitos basicos (pres, facturas, fuellas de reclamacions, etc.), a publicidat d’os centros y as condicions d’os contractos (clausulas abusivas, servicios no demandaus, etc.).

I hai un cumplimiento d’un 83,2% en os dreitos basicos, debendo-se d’amillorar o respective a las fuellas de reclamación. En publicidat, 9 de cada 10 residencias dan totz os datos importants, pero en 2 de cada 10 se publicita servicio medico propio quan o que realment ufren ye o servicio publico d’o Salud. L’apartau d’os contractos tamién ye satisfactorio, encara que a mitat no descuentan d’a factura os diyas d’hespitalización d’os suyos usuarios.

17.163 personas yeran en una residencia en Aragón en 2012. D’as 85 residencias privadas, n’i hai 47 en a provincia de Zaragoza, 19 en a de Uesca y atras 19 en a de Teruel.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.