A DPZ ubre o plazo d’inscripcions t’as II Chornadas d’Educación d’adultos

O programa ye endrezau ta totz os profesionals d'a provincia, y se celebra baixo lo titol “O Papel d'as Entidatz Locals en a Educación d'Adultos”

A Diputación Provincial de Zaragoza ha ubierto lo plazo de solicitutz t’as II Chornadas Provincials d’Educación Permanent d’Adultos, que se celebrarán o venient 21 de chunio en Zaragoza baixo lo titol “O Papel d’as Entidatz Locals en a Educación d’Adultos”.

A trobada, organizada por l’Aria de Bienestar Social d’a DPZ, ye endrezada t’os educadors de personas adultas que desembolican a suya actividat laboral en a provincia de Zaragoza, que podrán conoixer as linias presents y futuras d’o Plan d’Aprendizache Permanent d’Espanya. Antimás, os participants d’o curso compartirán y as formas, metodos, organización, normativa y experiencias en a educación d’adultos que tienen atros territorios, prenendo nuevas experiencias y conoiximientos con que adaptar ta ista demba as demandas y prioridatz d’a sociedat actual.

A chornada, que tamién convida a alcaldes y concellers municipals, se ferá en a ciudat Escolar “Ramón Pignatelli” de Zaragoza de 9 a 17:15.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.