A dreita xenófoba y antieuropeista, lo partiu más votau en Suiza

Eleccions en Suiza

Eleccions en Suiza

Iste domingo s´han cilebrau en a confederación helvética eleccións a lo consello nacional (camara baixa de 200 diputaus) y a lo consello d’os Estaus (a camara de representación territorial) que ambas eslexirán a lo gubierno formau por 7 consellers federals.

Os temas qu´han marcau a campanya electoral son estaus o modelo de desenvolique i creximient economico, a politica monetaria marcada por un franco suizo con máximos históricos, a inmigración y a opacidat d’o financiament d’os partius politicos.
L’antieuropeista y xenofoba UDC ha tornau a estar o partiu más votau con más d’un 25% d’os votos anque ha sufriu un retacule de más d’un 2% perdendo 7 posientos en o consello nacional. A UDC heba centrau a suya campanya en o refuse a los inmigrants y a esfensa d’a enerchia nucleyar.

En cheneral os mayors partius han sufriu un retacule, mientras que os grans ganadors son estaus os verdes liberals y o Partiu Burgues Democrático, alavez, a situgación parlamentaria se torna más complexa con 11 partius con representacion que a partir d’iste inte habrán d’empecipiar negociacions ta eslexir os 7 consellers federals que formaran gubierno.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.