A enfermera Teresa Romero ha superau a malotía d’o ebola

A segunda preba de PCR tamién ha dau negativo

Virus d'ebola. Foto: Centers for Disease Control and Prevention

Virus d’ebola. Foto: Centers for Disease Control and Prevention

O equipo medico d’o hespital Carlos III de Madrit ha confirmau que l’auxiliar d’enfermería, Teresa Romero, contachiada d’ebola, ha superau a infección. ‘Se cumplen os criterios de curación establius por a Organización Mundial d’a Salut’, ha subrayau o chefe d’a unidat de Malotías Infecciosas y Medicina Tropical d’o hespital Paz-Carlos III, José Ramón Arribas.

A zaguera preba practicada a la pacient ha dau un resultau negativo y ‘confirma as tres anteriors’. Con tot, ha asegurau que ‘a recuperación completa d’a suya salut ye un proceso que requiere tiempo‘, ha remarcau.

O mariu anuncia midas legals

A portavoz d’a familia, Teresa Mesa, fació plegar a os medios un vidio d’o mariu de Teresa Romero, Javier Limón, en que agradeixe a totz la aduya pero tamién anuncia que prenerá todas as midas legals que considere ta dar a conoixer a ‘nyapa’ d’a chestión d’o ebola. ‘Me deixaré dica a zaguera gota d’a mía sangre ta esfender a suya honorabilidat y a suya dignidat y denunciaré debant d’os tribunals a ‘gran nyapa’ que ha estau a chestión d’o ebola en Espanya’, aseguró Limón.

Fuent: http://www.vilaweb.cat/noticia/4216103/20141021/infermera-teresa-romero-superat-malaltia-lebola.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.