A escuela d’aragonés Nogara ubre o plazo de matricla t’os cursos suyos

En noviembre prencipiarán os cursos d'ista asociación con más de 20 anyadas d'experiencia

cartelA Escuela d’aragonés Nogara, con más de dos decadas d’experiencia fendo cursos de luenga aragonesa, ubre iste 16 de setiembre o plazo de matricla d’os suyos cursos d’aragonés. As clases prencipiarán a primers de noviembre y durarán dica chunio, fendo-se 3 horas de clase semanals.

En iste curso 2013 – 2014, se ferán, como de cutio, dos libels formativos. Un primer grau t’a chent que no haiga estudiau nunca aragonés, u que tienga conoiximientos muito basicos, y un segundo grau, d’afundamiento, ta qui haiga feito o primer grau u que’n tienga más conoiximientos.

Igual como atras anyadas, tamién s’ufre a posibilidat de fer o curso online, opción ideyal ta qui, por horarios, u por no vivir en Zaragoza, no puedan ir t’os cursos presencials. Como novedat, estianyo tamién s’ufre un curso en horario de maitins, encara por concretar.

L’asociación leva más de vinte anyadas formando a alumnalla en a luenga aragonesa, más que más en Zaragoza. Seguntes l’asociación, una d’as prioridatz suyas ye que ista alumnalla pueda socializar-se en aragonés. Por ixo “mientres tot l’anyo fan toda mena d’actividatz ta poder servir ista luenga en situacions cutianas, dillá de l’aula”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.