A exposición ‘Asociacions Vecinals: Fendo Zaragoza’, un recorriu historico d’o movimiento vecinal

Una exposición da treslau d'a historia d'as asociacions vecinals de Zaragoza en o Centro d'Historias

expo-FABZ-186x300Dica o 15 de setiembre se puede visitar en o Centro d’Historias de Zaragoza, en a plaza Sant Agostín, a exposición d’a Federación de Vicos (FABZ) ‘Asociacions Vecinals: Fendo Zaragoza’. L’horario de visita ye de martes a sabado de 10.00 a 14.00 horas y de 17.00 a 21.00 horas, y os domingos y festivos de 10.00 a 14.30 horas.

‘Asociacions Vecinals: Fendo Zaragoza’. Entre finals d’os 60 y prencipios d’os 70, como respuesta a la falta de servicios en os vicos obrers y como reacción a una situación politica que se traduciba en l’ausencia de dreitos fundamentals, van amaneixendo, en l’unico resquicio legal posible en aquella epoca, as que se conoixioron como Asociacions de Cabezas de Familia, que en a practica constituyoron o chermen d’as Asociacions Vecinals que s’estendilloron por totz os vicos de Zaragoza. A luita d’os movimientos vecinals dende a suya creyación siempre s’ha endrezau a aconseguir amillorar as condicions de vida d’os suyos habitants.

O movimiento vecinal, contando siempre con as suyas bases, s’ha iu adaptando a las realidatz cambiants exichindo os dreitos politicos y civils mas basicos en o suyo orichen, luitando por una vivienda digna, reclamando servicios y equipamientos publicos de calidat esencials pa os vicos (colechios, centros de salut, esportivos, culturals, asistencials…), reivindicando a millora d’espacios publicos (a carrera, a plaza, o parque) u una mobilidat equilibrada y sostenible, y en definitiva demandando mientres totz istos anyos un paper activo en a definición d’a ciudat y proposando alternativas constructivas pa fer de Zaragoza un digno espacio de convivencia en condicions d’igualdat.

A luita por istos dreitos ha iu evolucionando a lo largo d’istos anyos adaptando-se a os cambeos economicos, socials y politicos, y en a mida que os obchectivos planteyaus s’iban conquerindo.

Fuent: http://arainfo.org/2013/07/la-exposicion-asociaciones-vecinales-haciendo-zaragoza-un-recorrido-historico-del-movimiento-vecinal/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.