A exposición de Ángel Garraza en Muel se prolarga dica lo mes d’abril

Dende noviembre ha recibiu más de 12.000 visitas

Pieza d'a exposicion (Foto: DPZ)

Pieza d’a exposicion (Foto: DPZ)

A exposición de Ángel Garraza y diez d’os alumnos suyo, aintro d’o ciclo “Mayestros d’a ceramica y as suyas escuelas” se podrá continar visitando en o Taller Escuela Ceramica de Muel, dica lo mes d’abril.

A muestra, que fació a suya devantadera en noviembre, ha recibiu 12.000 visitas dica agora y ha teniu una buena acullida de man d’os colectivos de ceramica y escultura contemporania.

Antimás d’a obra de l’artista vasco, en a muestra se pueden viyer treballos de diez alumnos d’ell: Bianca Trifan, Eukeni Callejo, Inés Gutiérrez, Iñaki Martínez, Jon Stone, Juan Fanlo, Maite Leyún, María José Rodríguez, Miren Mendizábal y Rosa Cortiella.

A diputada delegada d’o Taller Escuela Ceramica de Muel, Marta Pardo, ha destacau “o gran poder que fa o Taller apostando por a ceramica en istos intes” y ha destacau o suyo papel aintro d’a ceramica contemporania. A diputada tamién ha insistiu en “a valura didactica d’istas muestra t’os escolars de ciclo meyo”.

A muestra de Ángel Garraza ye aintro d’o prochecto “Mayestos d’a ceramica y as suyas escuelas” y ye a tercer exposición d’ista mena que se fa en Muel, dimpués d’as de Enric Mestre y Arcadio Blasco.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.