A exposición ‘Ecosistemas amanaus’ plega enTardienta ta descubrir o patrimonio natural menos conoixiu

A exposición amuestra fotografías d'a naturaleza aragonesa

Imachen d'a exposición en Uesca. (Foto: Arainfo)

Imachen d’a exposición en Uesca. (Foto: Arainfo)

O entorno natural arredol de nusatros en ocasions pasa d’amagatons en estar amanau d’un spuestos que encara que fan parte t’a nuestra intimidat y emocions no sabemos apreciar con o ficacio que mereixen. A Cinca y as suyas riberas, os sasos monegrinos, os semontanos uescanos, Pirineus, acullen en a más gran parte d’os casos cantons de gran polideza que en a mayoría d’as ocasions aluframos con indiferencia sin fer-les guaire caso. Istos paisaches que no i viyemos de pur cutiano que son, curisan puesto a on que o ciel natural contina o suyo curso primichenio, de tot integrau con l’actividat humana.

O paisache como nexo entre Hombre y Naturaleza fa un binomio fundamental t’a supervivencia de totz dos. Ista exposición, organizada por o Concello de Tardienta (comarca d’Os Monegros) con a colaboración de Ecolochistas en Acción, se puede visitar en ista localidat os domingo 19 y 26 de chinero y 2 de febrero de 18:00 a 20:00 en a Sala Municipal d’Exposicions, y preba de “meter en valor ixos ecosistemas que no por amanaus desmereixen en singularidat y polideza respecto a atros muito más conoixius y visitaus”.

A traviés d’a “uellada experta, paciente, sensible y apasionada” de Joaquín Barrabés, Alex Serrano y Jesús Lavedán “descubriremos un patrimonio natural admirable que’n hemos d’estar argüellosos no nomás por a suya innegable estetica fotografica sino por a valor que tien cuanto a territorio de rica biodiversidat d’o que nusatros, os suyos habitadors humanos, en femos parte”. En iste sentiu, ista serie de fotografía “preba de creyar consciencia sobre una naturaleza a soben somesa y abataniada por intreses que no paran cuenta con ixe estreito vinclo que nos i une y d’o que tanto pende o nuestro bienestar y o d’o futuras cheneracions”.

Ecosistemas cercanos‘ ye una exposición itinerant que ya ha pasau por Uesca y Samianigo.

 

 

Fuent: http://arainfo.org/2014/01/la-exposicion-ecosistemas-cercanos-en-tardienta-descubre-el-patrimonio-natural-menos-conocido/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.