A exposición “Somos” replega qualques aspectos d’a cultura aragonesa

Os panels explicativos son feitos de tot en aragonés

cartel_promoIste sabado a las 19:00 en la Librería La Pantera Rossa (C / Sant Vicent de Paúl, 28) de Zaragoza se ferá a devantadera d’a exposición “Somos”, presta por l’Asociación Cultural Nogara – Religada. A exposición replega, en panels explicativos feitos de raso en aragonés, bells aspectos d’a cultura aragonesa.

A exposición continará en a Librería dica o 10 de chenero. En a devantadera se presentarán os panels y “s’aprofeitará ta debatir sobre a cultura aragonesa y fer servir a nuestra luenga ta prencipiar as fiestas de buen implaz“, dicen dende l’Asociación. As luengas d’Aragón, a tronca de nadal, a gastronomía aragonesa, … son belunas d’as manifestacions que se’n charra en a exposición. “A cultura aragonesa ye prou ampla y, a soben, poco conoixida por a mesmo población d’Aragón. Queremos que se conoixcan más bells aspectos d’a nuestra cultura, que a la chent le truque o ficacio y quieran afundar en ixa cultura”. Sobre o futuro d’a exposición, dende Nogara anuncian que “a ideya ye que se vaiga ixamplando con atros aspectos d’a nuestra cultura y as alportacions que nos fayan os visitants”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.