A extrema dreita “cuela” cartels xenofobos en botigas de Zaragoza

A Coordinadera Antifaixista ha prencipiau una campanya d'información t'os botiguers y clama a un "consumo responsable"

Un d'os cartels en una botiga (Foto: Insurgente.org)

Un d’os cartels en una botiga (Foto: Insurgente.org)

O partiu d’extrema dreita MSR (Movimiento Social Republicano) ha colau bells quantos cartels xenofobos en bellas botigas chiquetas d’a ciudat de Zaragoza. O cartel clama a mercar “nomás productos espanyols en botigas espanyolas” y han apareixiu más que más en os vicos de l’Almozara y l’ACTUR. A Coordinadera Antifaixista de Zaragoza ha dau a voz d’alarma y ya ye fendo una campanya ta explicar a los botiguers as intencions d’iste partiu. Seguntes o comunicau que han feito, a exposición d’iste cartel “suposa un atentau contra a libertat de raza y da un mensache platerament xenofobo”.

En ixa mesmo comunicau, a Coordinadera remera que “o refús t’os negocios menus por foranos y personas d’atra raza ye una d’as armas que fació serir o nazismo, criminalizando y enrestindo contra botigas chodigas. Entendemos que a crisi truca dreitament a o chicot comercio, pero fa parti d’a estratechia economica d’o capitalismo.” Tamién demandoron l’aduya d’os ciudadans ta “informar a  los propietarios que, enganyaus u no, metan istos cartels en as suyas botigas”. De feito, en informar ells mesmos a los botiguers, totz sacoron os cartels de camín.

A Coordinadera Antifaixista prencipiará en istos diyas una campanya de refirme a lo chicot comercio de raso diferent. Apuestan por “un consumo responsable basau en o respeto a los dreitos laborals y meyoambientals” y “un consumo de vico debant d’o consumo d’os megacentros comercials”. Precisament acusan a las grans superficies comercials d’estar parti d’os problemas d’o chicot comercio en una ciudat que ye “una d’as ciudatz europeas con más centros comercials por habitador” y a on que “o Concello da avantallas fiscal t’os centros comercials y les enampla a libertat d’horarios”, lo que fa que “siga imposible competir de mas d’os comercios de vico”.

Fuent: http://insurgente.org/index.php/template/consumo/item/3369-la-ultraderecha-distribuye-con-%C3%A9xito-carteles-entre-el-comercio-de-zaragoza

4 Rispuestas a A extrema dreita “cuela” cartels xenofobos en botigas de Zaragoza

  1. mare meua quina vergonya!! ¿¿pero com no se donen cuenta los botiguers de que son cartells fatxes?? Quina por començe a donar zgz, menos mal que les cuches están organiçades.

  2. En o vico de l’Almozara ya no bi ha dengún cartel, pareix que belún militant d’o MSR se pasó por bellas botigas d’iste vico y enganyó a os comerciants ta poder meter os cartels, dimpués os vecins de l’Almozara charraron a os comerciants arredol d’a verdat d’o tema y os comerciants quitaron os cartels a l’inte. Ya no bi ha denguno.

  3. Zerina m'en fa

    Ista chentota tracta d’emular a Amaneixer Dorau. O Faixismo ye fruito d’o capitalismo en crisi, ye oportunista. Call parar cuenta, estar organizaus y aprevenius. Zerina m’en fa.

  4. Gracias Arredol por mostrar-mos as noticias que nunca no veyerás en l’Heraldo d’Espanya
    Entadevant con a vuestra sobrebuena fayena!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.