A FABZ demanda a lo gubierno que invierta os 3 millons d’euros destinaus a clinicas privadas en a Sanidat Publica

Os 3 millons irían ta pagar a clinicas privadas servicios de ciruchía cheneral, traumatolochía, oftalmolochía y chinecolochía

Protesta d'os profesionals d'a sanidat (Foto: Arainfo)

Protesta d’os profesionals d’a sanidat (Foto: Arainfo)

A Federación d’Asociacions de Vico de Zaragoza y a suya Comisión de Salut refusan de tot, l’adchudicación prevista, seguntes o Conseller de Salut d’o Gubierno d’Aragón, un gasto de 3 millons d’euros ta pagar a clinicas privadas servicios de ciruchía cheneral, traumatolochía, oftalmolochía y chinecolochía. Mete, antimás, dencima d’a mesa, a esferencia de costes entre os hespitals publicos y privaus.

T’a FABZ “o Gubierno, en primeras, deixa a suya función de chestor d’o sistema publico, no fa garra chestión, no da garra respuesta t’a opción d’extinción d’as horas extras u peonadas. O gubierno, tenendo totz os meyos humanos, tecnicos y estructurals, no los aprofeita”. “Con istas actitutz y midas o gubierno mete en dubda a efectividat d’os hespitals publicos, hespitals con amostranza, investigación, multiservicios y, antimás, publicos pagaus por totz os espanyols con estructuras y capacidatz incomparables a las d’atra mena d’hespitals” adhiben dende a Federación de Vicos. “En sumando, contra lo que diz que preba de fer, o Gubierno provoca con istas midas, mayors listas d’aspera”, afirma la FABZ.

En iste sentiu a FABZ demanda un “plan de choque” t’achiquir as listas d’aspera a on que se contemple a participación d’as personas usuarias y os profesionals sanitarios. A FABZ “esfiende a Sanidat Publica y os atributos esencials que la caracterizan: universalidat, gratuidat en l’inte de l’emplego, y equidat”. “As asociacions de vecins iremos siempre en contra d’as politicas que de bella traza vaigan en contra d’istos dreitos”, declaran dende a FABZ.

Por tot ello, a FABZ demanda a lo gubierno d’Aragón que invierta ixos 3 millons d’euros en a sanidat publica, y que meta totz os mecanismos que calga ta que s’execute de traza optima.

Fuent: http://arainfo.org/2013/04/la-fabz-insta-al-gobierno-aragones-a-que-invierta-los-3-millones-de-euros-destinados-a-clinicas-privadas-en-la-sanidad-publica/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.