A Facultat d’Albeitar aculle a ueitena trobada annual d’a SESAL

L'enguero d'a trobada, en a que participan a mán de cient expertos, estará hué a las 12 horas y tractará d'a seguridat alimentaria en o sector primario.

A Facultat d’Albeitar acullirá hué y manyana a ueitena edición d’a trobada annual d’a Sociedad Española de Seguridad Alimentaria (SESAL) que, baixo lo lema “A seguridat alimentaria en o sector primario: un factor de competitividat?” reunirá a cuasi cient expertos de toda Espanya. L’obchetivo d’ista trobada ye promocionar o debate y a opinión consesnsuada d’os profesionals d’a seguridat alimentaria, asinas como empentar l’intercambeo d’información y experiencias y a la celebración d’actividatz endrezadas a la capacitación y a investigación en ista disciplina scientifica.

L’enguero d’a trobada estará hué a las 12 horas y contino s’encetarán as mesas redondas, que en ista edición tractaran temas de bienestar animal, nuevos elementos en a producción agroalimentaria, productos de proximidat y sanidat vechetal.

En a sesión de manyana se desenvolicarán as dos primeras mesas redondas y, dimpués, se ferá una visita a la Planta Piloto de Sciencia y Tecnolochía d’a Birolla an que os alumnos d’a Facultat d’Albeitar fan as suyas practicas en bellas asignaturas. Finalment, os miembros de SESAL ferán parti de l’Asamblea General de la SESAL que se celebra totz os anyos en istas trobadas.

O viernes, o president de l’Agencia Aragonesa de Seguridad Alimentaria, Juan José Badiola, presentará la conferencia d’enguero d’a sesión. Contino, se desenvolicarán as mesas redondas sobre productos de promiximidat y sanidat vechetal y se i presentarán as comunicacions scientificas. A clausura d’a trobada estará a las 18 horas y contará con a presencia de representats d’o Gobierno d’Aragón, o Ministerio de Meyo Ambient y Meyo Rural y Marino d’o Gobierno d’Espanya, l’Agencia Aragonesa de Seguridad Alimentaria y a Sociedad Española de Seguridad Alimentaria.

Fuent: http://www.unizar.es/actualidad/vernoticia.php?id=5588&idh=1890#

4 Rispuestas a A Facultat d’Albeitar aculle a ueitena trobada annual d’a SESAL

  1. Enrique Gargallo

    Será en tot caso a “Facultat de Veterinaria” u a “Facultá de Beterinaria”. L’albéitar ye o veterinario, o profesional.

  2. Encetamos bien, si mos femos caso d’a wikipedia o de un tratado escrito en castellano.

  3. Si a chent fese caso de tot lo que sale en a wikipedia…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.