A Facultat de Dreito analiza en unas chornadas a libertat de prensa.

Os ponents debatirán sobre as consecuencias d'o caso Murdoch en Anglaterra, o conflicto entre as radios y os clubes de football y a información sobre a familia reyal.

Cartel d'as chornadas

O decanato d’a Facultat de Dreito ha organizau as IX Chornadas d’a Constitución, que en ista ocasión se celebrarán hué y o viernes y chirarán arredol d’a libertat de prensa y o dreito a la información. A trobada, que conmemorará o bicentenario d’a Constitución de 1812, conoixida como La Pepa, reunirá a expertos en dreito y a directors de meyos de comunicación en l’Aula Magna d’a Facultat de Dreito.

 

As ascuitas ilegals por parti de periodistas d’a corporación que diriche o magnate d’a comunicación Ruper Murdoch, y que se revelón a la opinión publica mientras o verano pasau, os problemas entre as radios d’información cheneralista y a Liga de Fútbol Profesional u as informacións arredol d’Iñaki Urdangarín son temas d’actualidat que se tractarán mientras a trobada.
A situación actual de crisis y o cambeo en os paradigmas d’o poder politico han feito que os organizadors d’ista chornada se planteyen quál ye reyalment o poder d’o periodismo en a sociedat actual.
O papel d’os meyos de comunicación en as libertatz fundamentals d’una sociedat s’analizará dende os planos churisdiccionals constitucional, civul y penal. Bells expertos en dreito de diferents universidatz ferán parti d’o debat, asinas como os directors de diferents radios, periodicos y televisións.
O concepto de libertat de prensa en Espanya se reculló por primer vez en o decreto d’o 10 de noviembre de 1810, y dende alavez se produció una grand oleada de prensa escrita. A poco de celebrar o bicentenario de La Pepa y con a mesma importancia politica y trascendencia social que alavez, a Facultat de Dreito d’a Universidat de Zaragoza y o Chusticia d’Aragón s’han planteau a conveniencia de reflexionar sobre a libertat de prensa actual incluyida en l’articlo 20 d’a Constitución espanyola, os suyos fundamentos y consecuencias.
Fuent: http://www.unizar.es/actualidad/vernoticia.php?id=6411&idh=2107#

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.