A FAS presienta l’Informe sobre a Cooperación Descentralizada Aragonesa 2012

FAS protesta por as baixadas en Aduyas a lo desembolique

Foto: FAS

Foto: FAS

Federación Aragonesa de Solidaridat (FAS) presentará iste miercols, en una rueda de prensa en o Centro Joaquín Roncal de Zaragoza, l’Informe sobre a Cooperación Descentralizada Aragonesa 2012, a on que s’analiza la situación y evolución de l’Aduya Oficial t’o Desembolique d’as diferents administracions aragonesa.

Seguntes l’informe d’a FAS, garra d’as grans administracions aragonesas cumplen o 0,7% y nomás tres d’ells puyan d’o 0,3% y atras tres no plegan t’o 0,2%. Todas, fueras d’o concello de Uesca, han baixau a cantidat adedicada en 2012 a Aduya Oficial a lo Desembolique.

“Ye sinyaler o caso d’o Gubierno d’Aragón, que fa papel mullau d’os alcuerdos sinyaus y empentaus por ells mesmos: no se dota de presupuesto a lo Plan Director d’a Cooperación Aragonesa que no nomás no plega en o 0,3% en l’anyo 2011 como se comprometió, sino que rebaixa a un radiu 0,05 % d’o presupuesto en o 2012″, denuncia la FAS.

Por a parti suya, o Concello de Zaragoza, “a penar d’haber baixau as partidas presupuestarias en l’anyo 2012, sí que han manteniu atra mena de compromisos presos en a firma d’o “Pacto contra la pobreza”, (sinyau en 2007 por os cinco partius con representación en ixas envueltas en o Cocnello), adhiben dende a FAS.

 

Fuent: http://arainfo.org/2013/11/la-fas-presenta-el-informe-sobre-la-cooperacion-descentralizada-aragonesa-2012/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.