A Federación Aragonesa de Solidaridat presenta en Uesca l’Informe sobre l’Aduya Oficial Aragonesa a o Desarrollo 2011

Se presenta l'Informe sobre Cooperación Descentralizada Aragonesa de 2011 en Uesca

fasAydaDesarrolloA ciudadanía de Uesca y os medios de comunicación altoaragoneses conoixerán por boca d’as representants d’a Federación Aragonesa de Solidaridat os datos de l’Informe sobre Cooperación Descentralizada Aragonesa 2011, en o qual s’analisa a situación y evolución de l’Aduya Oficial a o Desarrollo d’as diferents administracions aragonesas.

A presentación tendrá puesto dimpués de maitín, mierques 26 de chunio de 2013, a las 11.30 horas, en a Fundación Cruz Blanca –carrera Calatayut 24 de Uesca-. En a rueda de prensa se presentarán datos sobre os porcentaches destinaus a l’Aduya Oficial a o Desarrollo por as Administracions aragonesas y o suyo analís qualitativo, y se profundizará en l’analís d’as administracions d’as comarcas d’o norte d’Aragón.

L’informe sobre la Aduya Oficial a o Desarrollo d’Aragón, ye un informe de caracter anyal que a FAS realiza, dende l’anyo 2.002, con a finalidat d’analisar a situación d’a cooperación descentralizada aragonesa, tresladar-la a la sociedat y sucherir milloras a l’Administración. Pa la elaboración d’este Informe, a FAS pide a las Administracions Publicas aragonesas de mas de 3.000 habitants -unas 81- que faciliten os suyos datos sobre cantidat y calidat d’os fondos destinaus a os países empobrius.

Fuent: http://arainfo.org/2013/06/la-federacion-aragonesa-de-solidaridad-presenta-en-uesca-el-informe-sobre-la-ayuda-oficial-aragonesa-al-desarrollo-2011/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.