A Feria d’o Libro Aragonés ubre as suyas puertas en Monzón

Ye a suya XVII edición. Bi serán as principals editorials y escritors d'Aragón

Cartel d'a FLAO sabado 4 d’aviento prencipiará a XVII edición d’a Feria d’o Libro Aragonés que se celebra todas as anyadas en istas calendatas en l’antiga zucrera de Monzón. En l’evento, organizau por a Institución Ferial de Monzón, bi participarán muitas d’as principals editorials y autors d’Aragón.

En ista edición, a feria ye adedicada a la figura de Xaudaró, pioner d’os comics y d’os dibuixos animaus, y que a muller suya yera de Monzón. Le i ferán un homenache o sabado a las 18 y ye o protagonista d’0 cartel que anuncia a Feria.

Entre os libros que se i presentarán bi ha de tot. Dende a poesía de Antón Castro u Ricardo Berdié, dica un ensayo sobre o maquis en l’Alto Aragón de Ferrán Sánchez, pasando, prou que sí, por novelas como Escombros de Chuse Raul Usón. Tamién bi habrá replegas de textos de fa tiempos. O Instituto d’Estudios Altoaragoneses i presentará unas memorias de Joaquín Costa quan se fa un sieglo d’a muerte suya. Aladrada, d’atra man, amostrará o treballo feito por Carlos Azagra sobre os textos de Jose Antonio Labordeta en “Historias de Paletonia”.

Tamién os comics tienen un puesto muito important aintro d’a Feria. Antimás d’a debandita exposición, l’Asociación Cultural Malavida i presentarán as novedatz “La guerra que dan las galaxias” y “Belceblues”. A editorial de comics Thermozero plega por primer anyada en a Feria de man de Chema Cebolla qui presentará “Harry Clever”. D’atra man, GP Edicions que tornara a estar-ie, presentarán “El último templario”y “La gran carrera de Tina”. Ye esclatero que o mundo d’o comic ye pasando por un sobrebuen inte en o país.

Como todas as anyadas, l’aragonés ye muito present por tot. Se i trobarán muitas d’as asociacions en esfensa de l’aragones como Nogara, Fablans, Consello d’a Fabla …. y editorials que lo fan servir como Gara d’edizions, Xordica u Aladrada. Dende un metodo d’autoaprendizache d’aragonés clamau Arredol, a los cuentos de Prou prou luen pasando por as zaguers novedatz publicadas por Aladrada u Consello d’a Fabla y a mosica de “Os chotos” qui presentarán o suyo nuevo disco “Abril ye trasparent” en a nueit d’o sabado.

Ta fer más facil as visitas d’os zaragozanos, a organización meterá un tren que surtirá o domingo dende a gara de Zaragoza de maitins y bi tornará de tardis por un pre de nomás 5 euros. Mientres toda a feria bi habrá atras actividatz complementarias como tallers ta ninos y adultos, prochección d’os documentals d’o festival Espiello u cuentacuentos.

A información más completa se puet trobar en a pachina web d’a Institución Ferial de Monzón: www.ifm.es

2 Rispuestas a A Feria d’o Libro Aragonés ubre as suyas puertas en Monzón

  1. Qué maho seria contar con una version en aragones, a lo menos en formato dichital,… Pero vos alcordatz d’ixe libro que fació a CAI sobre a historia d’Aragón en comic, que caldria actualizar, dar-le una mica más d’aragonesismo, por exemplo en garra puesto charra d’a luenga aragonesa de traza explicita, o vidal Mayor ye escrito en romance (v.g.), Que maho seria tener ixe comic en trilingüe, qui podria fer-lo, qui financiar-lo, esta cheneracion ha de tener recursos que teniemos en a nuestra.

  2. totalment d’acord en Dabi, jo crec que la majoria del Aragonesos tenim aquest comic a casa, i que mols sabriem identificar imatges del còmic tretes del seu context. Així donçs esta cllar que si es fes una edicio en trilingüe l’exit seria rotund a la fira del llibre aragones de Montsó.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.