A formación ta os chóvens que no rematan a ESO se queda sin diners

As entidatz socials que treballan con istos cursos, especialment en Zaragoza, han recebiu un claro "no bi habrá diners" dende o Pignatelli.

O nuevo gobierno autonomico ha prencipiau a retallar por an menos se protesta. Os chóvens que no apercazaban o títol d’a ESO, bells anyos una parte de tres, no pueden acceder a cursos ta desemplegaus de l’INAEM, do desichen a ESO dende fa dos anyos. Tampoco no a la Formación Profesional, que tamién tien ixe requisito. Nomás teneban a oportunidat de fer os cursos de PCPI, antis más clamaus de Guarancia Social, do no yera menistar alportar garra títol academico, ni sisquiá tener un decumento d’identidat (DNI u NIE).

Con as practicas en empresas, esdeveniban a unica vía formativa y d’inserción laboral ta mils de chóvens. Agora o camino a la desqualificación ye ubierto. Ni formación, ni emplego. Os borches d’os treballadors quedan fuera de chuego. As entidatz socials que treballan con istos cursos, especialment en Zaragoza, han recebiu un claro “no bi habrá diners” dende o Pignatelli. No pareix que vaigan a fer guaire estrapalucio. Yera de dar, dicen, dimpués de que os anteriors chestors hesen deixau os presupuestos ta ista branca formativa en culitatis. O siguient yera ista espullada obscena que se ciba en os más febles.

3 Rispuestas a A formación ta os chóvens que no rematan a ESO se queda sin diners

  1. Que vergonya! O mio chirman no facio l’ESO pero dentro en o PCPI de cocina. Agora ye en o grau, le quaca muito y ye fendo buen resultaus. Que pasa con os chovens como ell? De camin ta l’auture. Vergonyoso.

  2. Pero lo grau ye que i habrá chent treballadora que contine esfendiendo o modelo neoliberal que mos i son ficando

  3. Hombre ixo ye platero. A dreita no en puet ganar sin os votos d’os obreros. Bi’n-ha muitos que votaran a la dreita neo-liberal espanyola.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.