A Formula Uno ‘calienta motors’

McLaren, Ferrari y Force India presentoron os nuevos autos

Button en Barcelona 2011 (Foto: Julien Reboulet)

Button en Barcelona 2011 (Foto: Julien Reboulet)

O mundial de Formula Uno de 2012 se ye amanando y os diferents equipos van amostrando y fendo publicas as caras con que chugarán. O miercols McLaren feba a presentación d’o MP4-27, o monoplaza que adugarán Lewis Hamilton y Jeson Button, dos d’os candidatos a ganar o mundial. A escudería britanica ha presentau un disenyo clasico, parellano a os autos que feba servir fa seis u siet anyadas.

Ferrari, atro d’os equipos con posibilidatz de ganar o mundial, preséntó o viernes en Manello o F2012, un disenyo revolucionario de tot, con o que prebarán de que Fernando Alono y Felipe Massa amilloren os resultaus de l’anyada pasada. O F2012 tien o polemico ‘morro de delfín’ que ya ye un feito dimpués de todas as rumors que bi heba.

Ixe mesmo diya, Force India presentaba en Silverstone o VJM05 que adugarán Paul Di Resta y Nico Hulkenberg. O morro tamién ye de delfín, como o de Ferrari. Vijay Mallya, amo d’a escudería, creye que con iste auto Force India podría quedar entre os cinco primers.

D’atra man, HRT anunció o nombre d’o suyo segundo piloto. L’indio Narain Karthikeyan será o companyer d’equipo de Pedro Martínez de la Rosa. O equipo prencipiará os suyos entrenamientos d’o 21 a o 24 de febrero en o Circuit de Catalunya.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.