A Fundación Uncastiello da a conoixer o suyo treballo en Os Banyals

A Fundación Uncastiello ferá una charrada manyana sobre un d'os más fascinants enclaves de l'Arqueolochía en Aragón.

O gallipuent román que levaba l'augua ta os Banyals dende o río Arba de Luesia, en a Fuent d'o Diaple, debaixo de Malpica d'Arba. (Foto: an.wikipedia.org)

Dende 2008, a Fundación Uncastiello, por encargo d’o Gobierno d’Aragón, leva a cabo un Plan d’Investigación en a ciudat romana d’Os Banyals (Uncastiello, Cinco Villas) un d’os yacimientos arqueolochicos romanos más representativos d’Aragón y que, man y menos, no heba estau obcheto d’un prochecto semellant en as zaguers decadas, a pesar d’os meritorios treballos d’Antonio Beltrán en os anyos setenta d’o sieglo pasau.

Fidel a la suya filosofía y a las suyas valors respecto d’o patrimonio, a Fundación Uncastiello ha aplicau sobre o yacimiento un esquema d’actuación que pretende conoixer millor ixe enclave (ta valorar-lo en a suya chusta mida, tamién dende una optica patrimonial), recuperar-lo (con campanyas anuals de prospección -van ya siet anyos- y d’excavación -se ye planificando a quartena t’o 2012- y de restauración d’as estructuras y os materials descubiertos) y, más que mas, aprofitar-lo como recurso de caracter cultural y, tamién, a meyo plazo, economico.

O prochecto ha colocau a ciudat romana d’Os Banyals en a vanguardia de l’Arqueolochía en Aragón y ha convertiu o yacimiento en un d’os millors valoraus en os circuitos investigadors internacionals y, prou que tamién, d’os más visitaus. A más, dende 2008, a Fundación Uncastiello no solo ha treballau que en as arias comercials y publicas d’a ciudat -metendo a o descubierto un espectacular foro: a plaza publica d’a ciudat- sino que ha destinau o 80% d’o presupuesto d’o proyecto -en o que colaboran interpresas privadas como EON, Fundación ACS, u Cheneral Eolica Aragonesa– a la concesión de becas ta estudiants universitaires de l’estau y europeyos y a o despliegue d’una activisma labor cultural que ha contribuyiu a amanar o conocimiento scientifico -y a vida cutiana en una ciudat romana- a la sociedat.

A Fundación Uncastiello ferá una charrada manyana, lunes 23 de chinero, a las 19.30 horas en a Sala d’Ambito Cultural d’El Corte Inglés, en o paseyo d’a Independencia en Zaragoza, sobre Os Banyals, un d’os más fascinants enclaves de l’Arqueolochía en Aragón.

Fuent: http://www.comarcas.es/index.php/mod.noticias/mem.detalle/idnoticia.6633/relcategoria./chk.faa4de2719609dd46ff1909a03a6f12e.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.