A Gagarin 1 gravará Aragón dende o “espacio amanau”

O lanzamiento ye previsto o 13 de chulio dende Borcha

Ruta d'o Gagarin 1 (Foto: Proyecto Gagarin)

Ruta d’o Gagarin 1 (Foto: Proyecto Gagarin)

O prochecto Gagarín lanzará iste sabado 13 de chulio o suyo primer globo sonda, o Gagarin 1 que plegará dica más de 25.000 metros d’altaria con una camara de gran definición que prenerá imachens d’Aragón en un primer inte, y d’a Peninsula Iberica dimpués.

Iste prochecto ye una iniciativa grafica y scientifico-tecnica d’una colla de chovens zaragozanos que preban de conseguir con os suyo propios medios que un globo sonda con una capsula de fabricación casera plegue en napas d’a estratosfera terrestre por dencima d’os 25.000 metros, lo que se conoixe tecnicament como “espacio amanau”.

O prochecto, que prene o nombre d’o primer cosmonauta ruso, prencipió a peteniar fa bells meses, y dimpués d’un tiempo d’investigación y atro de replega de diners de traza colectiva (más de 300 €) que calen t’os materials y l’equipo, ha prencipiau a suya fase final: la de lanzamiento.

En ista primer prebatina prebará de superar os 25.000 metros con un globo sonda pleno d’helio que puyará a capsula, o “Gagarin 1” dica l’altaria deseyada. Se i ha instalau una camara de video de gran definición ta prener imachens espectaculars d’Aragón primer y d’a resta de l’estau dimpués dende una anvista que no ye a común. Una segunda camara, equipada por dencima d’a primer, gravará un plano vertical. Antimás i leva adhibiu un sistema de localización GPS casero, que ferá de millor trobar o material quan dimpués d’a baixada.

O prochecto, que os suyos detalles se pueden consultar en o blog www.proyectogagarin.blogspot.com, ferá o lanzamiento d’o Gagarin 1, o sabado 13 de chulio amán d’a localidat de Borcha. Tamién se puet seguir o prochecto a traviés d’o twitter @proyectogagarin.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.