A ‘gambadeta’ de Venus debant d’o Sol permitirá trobar vida en planetas aluenyadas

O fenomeno no se repetirá dica 2117.

 

Venus y o sol dende a Tierra (concepción artistica d'a NASA)
Venus y o sol dende a Tierra (concepción artistica d’a NASA)

O raro transito de Venus pro debant d’o Sol, que ferá iste 5 de chunio (6 ta l’hemisferio occidental), será emplegau por un equipo internacional d’astronomos ta l’experimento ‘L’ocaso de Venus’ que penderá en un fundo estudeo d’as suya atmosfer, asinas como en aclarir detalles d’o suyo descubrimiento por o scientifico ruso Mijaíl Lomonósoc. En 1761 mientres a mesma pasada de Venus debant d’o disco solar Lomonósov paró cuenta de que arredol d’a planeta bi ha un bisel luminoso. Por iste treballo o scientifico plegó en una conclusión confirmada dimpués: Venus tien una atmosfera potent.

Con tot y con ixo, bells scientificos qüestionan iste descubrimiento y suposan que Lomonósov habría d’haber esmaixinau bells detalles que en reyalidat no podría haber visto con os suyos propios uellos.

En ista ocasión un equipo d’astronomos liderau por especialistas d’o colechio Williams (Mexico), de l’Observatorio d’a Costa Azula y de l’Observatorio de París, quieren examinar de traza detallada o que en reyalidat podió viyer o scientifico ruso. Antimás, será una oportunidat unica ta que os scientificos amilloren as actuals tecnicas que permiten detectar planetas extrasolars.

Por ixo, os expertos ferán servir coronografos, telescopios especial que s’emplegan ta estudiar l’atmosfera solar, capables de filtrar la luz, lo que les permitirá mirar-se as napas externas de l’atmosfera d’o sol.

D’atra man, l’astronauta estadounidense Don Pettit tien previsto por a suya cuenta reyalizar una serie d’observacions d’o transito de Venus dende a Estación Espacial Internacional (EEI) y fer as primers fotos d’o fenomeno.

Os astronomos aseguran que l’espectaclo celeste, que no se repetirá dica 2117, se podrá viyer dende quasi qualsiquier puesto d’o mundo, entre que os residents d’0 Pacifico occidental, Asia oriental y l’este d’Australia tendrán a oportunidat de viyer toda la ‘gambada’ d’a planeta debant d’o sol que durará bellas siet horas.

Fuent: http://noticies.sirius.cat/2012/06/el-passeig-de-venus-davant-del-sol.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.