A guardia presidencial hutu atentó contra o president de Ruanda en 1994

Un estudeo scientifico vulca a versión actual. Se creyeba que yera estau obra de rebeldes tutsis.

Paul Kagamé, president de Ruanda (Foto: Adam Scotti)

Paul Kagamé, president de Ruanda (Foto: Adam Scotti)

Un estudeo scientifico, ordenau por o chuez francés Marc Trévidic, ha establiu que l’avión d’o president Juvenal Habyarimana, estió abatiu por a propia guardia presidencial hutu en 1994. Iste feito estió un d’os que fació esclatar o chenocidio en Ruanda a on que s’asesinoron 800.000 personas.

Dica agora se creyeba que os rebeldes tutsis d’o Frent Patriotico Ruandés, lideraus por Paul Kagamé, yeran estaus os autors de l’atentau. L’anterior chuez, Juan Louis Bruguiere plegó a solicitar ordens ta que engarcholasen a bells liders tutsis, crebando as relacions entre Francia y Ruanda, agora presidida por o propio Kagamé.

Dimpués d’as investigacions encargadas por o nuevo chuez, Kagamé, a traviés d’o suyo advogau ha declarau que ye un inte historico ta Ruanda y ‘d’alegría ta todas as personas afectadas por iste afer’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.