A Hora Charrante fa la suya zaguer emisión

A las 18:00 prencipia en Radio Topo (101.8 FM) un especial de dos horas ta despedir a parte d'a "revolución somarda".

pegallo-300x127Iste mierques s’emitirá en Radio Topo por zaguer vegada o programa de radio en aragonés “A Hora Charrante” (AHC). En cumplir 30 emisions, A Hora Charrante diz adios a la emisora libre con un programa especial de dos horas que s’emitirá dende as 18.

A hora charrante prencipió a emitir-se o pasau mes de noviembre, de man de alumnos de Nogara que querioron prencipiar un programa d’humor animaus por un teatro en aragonés que ya heban presto ta o programa La Enredadera que alavez emitiba tamién Radio Topo. Dende allora, cada semana han animau as ondas con a suya humor somarda y personaches como Marria Putina u Curro Porlajeta.

Por o programa han pasau arrienda convidaus, dando voz a muitas personas que yeran treballando en activismo cultural, politico u mesmo esportivo: las Sicarias del cierzo, Cintas d’Enguero, Mullers y Cordials, Nogara, Subrarbe, Radio La Granja, ….

Se remata asinas una temporada a on que l’aragonés ha teniu firme presencia en Radio Topo, coincidindo dica tres programas en aragonés en a parrilla. O veterano Fendo Orella, que tornaba dimpués d’un anyo de descansar-se, A hora charrante y o recient plegau Tierra de barrenaus radio, antimás d’a sección L’aragonés ye bien vivo, aintro de La Enredadera.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.