A ilesia catolica replegará bells 10.000 millons euros de l’Estau ista anyada

Antimás no ha de bosar impuestos como l'IBI.

Joan Tarda ha denunciau iste feito (Foto: Forum per la memoria PV)

Joan Tarda ha denunciau iste feito (Foto: Forum per la memoria PV)

A ilesia catolica se salva d’as retalladas y d’as midas economicas que se son prenendo istos diyas de man d’o gubierno espanyol. Asinas lo denuncia o diputau d’ERC (Esquerra Republicana de Catalunya) Joan Tarda, en o suyo blog.  A ilesia replegará mientres l’anyada 10.000 millons d’euros plegaus de subvencions directas, cesions de tierras, donacions economicas y de no bosar o IBI (Impuesto de Biens Inmuebles).

En iste zaguer caso, o parlamentario catalán sinyala que os ‘municipios deixarán d’ingresar bells 1500 millons y bells 250 a traviés d’o IRPF’. Iste privilechio de no bosar o IBI tien o suyo orichen en a Lei Hipotecario de 1946 que permite que a ilesia no matricular en o Rechistro d’a Propiedat d’Inmuebles, os edificios no inscritos a nombre de dengún, remera. ‘Ye de dar que muitos d’os templos y recintos relichiosos, historicament, estioron edificaus en terrenos donaus por o común, propiedat d’o pueblo’, adhibe.

O politico tamién  enriste contra o PSOE decindo que estió incapable de ‘modificar-ne mica cuanto a os privilechios d’a ilesia’. No fació cosa que puyar as donacions publicas t’a ilesia y d’o PP no se puet asperar cosa’.

 

Fuent: http://blocs.esquerra.cat/joan-tarda/bloc/els-privilegis-economics-de-lesglesia-son-una-gran-vergonya

Una rispuesta a A ilesia catolica replegará bells 10.000 millons euros de l’Estau ista anyada

  1. 10000 millons de samugazos por monsén caldría dar-lis-ne dica gomiten tot o que nos furtan. cal tornar a cremar-ne

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.