A ilesia d’Alcoleya saca, sin autorización, bells niedos de cigüenya

Antimás metió un chulet electrico en o tellau, que podría haber provocau l'accident d'una cigüenya

Cigüenya enreligada en a ilesia de Alcoleya

Cigüenya enreligada en a ilesia de Alcoleya

En a ilesia de Alcoleya de Cinca, fa bells meses, se sacoron dica 39 niedos de cigüenya que bi heba y se metió un chulet electrico ta mirar d’espantar-las. Ista actuación, por la que preguntó IU en as Cortes d’Aragón, sería ilegal, en no haber a D.Ch.A. que “a sacar os niedos más periglosos y a achiquir o peso y volumen d’a resta.” A colocación d’o chulet electrico podría estar antimás a culpable de l‘accident que tenió iste chueves una d’as cigüenyas en quedar-se-ie enreligada, quan pretó a volar dimpués de dar-se con o chulet.

Miguel Aso, diputau por Uesca d’a formación, ha sinyalau que “os documentos alportaus por o Gubierno d’Aragón sinyalan que l’autorización se ha dau a lo Concello de Alcoleya y no pas a la parroquia”. Una afirmación que o diputau fa dimpués de conoixer que “a demanda d’autorización ye sinyada en documento oficial por l’alcaldesa d’a localidat y o mosén, lo que no deixa d’estar sorprendent, ya no nomás porque un mosén sinye un documento publico oficial no se sape en función de qué, sino porque ha convertiu a lo Concello y, alavez a la ciudadanalla de Alcoleya, en responsables de que l’actuación s’achuste a lo autorizau”.

Agora, dende IU quieren saber si a D.Ch.A. “va a prencipiar bell expedient sancionador en caso de que os permisos concedius no s’achusten a lo feito, por lo que viyeremos que midas se prenen y, en función de ellas, presentaremos nueva iniciativas en as Cortes d’Aragón.”

Ta rematar, o diputau ha detallau que “a lechislación ha de cimplir-se, y no valen alcorces, por lo que asperamos que s’expediente por incumplir as autorizacions y se saque o chulet electrico colocau sin permiso, pues a solución no pasa de garra traza por encorrer a una especie hue protechida, sino por cumplir as normas t’a protección suya y prener as midas concretas ta guaranciar sin problemas a coexistencia d’a especie astí a on que mete os niedos suyos”.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.