A interpresa Aragal Packaging creyará puestos de treballo en Andorra

Dica 60 puestos de treballo s'asperan que pueda haber-ne en ista interpresa a la fin d'a suya implantación definitiva en 4 anyos. En febrero i habrá 14 personas treballando en a primer fase

Sofía Ciércoles. Fuent: IU Aragón

Aragal Packaging, interpresa d’embalache, creyará mientres a suya primer fase 14 puestos de treballo en a localidat teruelana. Manimenos, a interpresa planeya ixamplar-se en os venients 4 anyos con una inversión de 14,5 millons d’euros y a creyación de 60 puestos de treballo. Tamién asperan contar con mas socios.

Ahiere se sinyó un convenio de colaboración entre ista interpresa, a DGA y o concello d’Andorra ta empentar un centro de producción y impresión d’embalaches en dita localidat, con a presencia d’o consellero d’Industria y Innovación, Arturo Aliaga, l’administrador d’a interpresa, Jesús María Alba y l’alcaldesa d’Andorra, Sofía Ciércoles. A traviés d’iste convenio se garantiza a colaboración d’o Gubierno d’Aragón, que “sin a suya aduya no hese estau posible fer realidat iste prochecto”, seguntes l’alcaldesa andorrana.

A interpresa Aragal Packaging ya ha mercau una nau de 14.000 metros quadraus en Andorra en o poligono d’a Estación y s’aspera que prencipie a suya implantación en o mes de febrero de 2013 con os 14 puestos de treballo d’a primer fase.

A plagada d’ista interpresa suposa una asperanza ta ista localidat, debiu a la dificil situación d’a industria minera y a crisi economica. O concello andorrano treballa ta mantener os puestos de treballo actuals y creyar-ne nuevos, prebando asinas mesmo de captar nuevas interpresas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.