A intervención rusa y alemana permite de sinyar atro alcuerdo de paz ta Ucraína

O pacto incluye un alto o fuego y separación d'as fuerzas d'artillería que entrará en vigor o domingo

Enronas de l'aeropuerto internacional de Donetsk. Foto: Pravda DPR (CC-BY 3.0)

Enronas de l’aeropuerto internacional de Donetsk. Foto: Pravda DPR (CC-BY 3.0)

Tanto o Gubierno de Kiev como as milicias d’o este d’o país han recibiu satisfeitas as noticias de l’alcuerdo de paz ta Ucraína aconseguiu dimpués d’una cumbre internacional que duró 15 horas. Vladímir Putin, Angela Merkel, François Hollande, Petró Poroshenko y Alexánder Lukashenko aconsiguioron un alcuerdo que entra en vigor o domingo.

O documento ha estau sinyau por os separatistas y por Kiev en o Grupo de Contacto ta Ucraína, que ye o solo formato negociador en o qual participan, con a mediación de Rusia y a OSCE. Como primer mida, contempla a retirada de l’armamento pesau dende l’actual linia en que se troban as tropas ucrainianas y dende as posicions que ocupaban os rebeldes en o momento d’os alcuerdos de Minsk de setiembre.

Dillá de l’alto o fuego, o pacto abarca muitos atros aspectos, explicó o president francés, incluiu o control de buegas, a descentralización y a represa d’as relacions economicas entre todas dos partes d’o país.

“I hai tamién un alcuerdo politico”, dició Putin. O primero ye una reforma constitucional que pare cuenta en os dreitos lechitimos d’a chent que vive en o Donbas (este d’Ucraína). I hai tamién afers de buegas y finalment toda mena d’afers economicos y humanitarios”.

O president d’Ucraína, Petró Poroshenko, dició que “no estió cosa facil” consensuar en a cumbre de Minsk l’alcuerdo. “De feito se nos planteyoron toda mena de condicions inacceptables: concesions, retiradas”, dició o lider ucrainés, que destacó que “l’alto o fuego debe establir-se sin garra mena de condicions previas“. Poroshenko destacó que por primer vegada se detalla cómo Ucraína recuperará o control d’o sector d’a suya buega con Rusia en a zona controlada por os rebeldes prorrusos.

“A l’atro’l diya d’as eleccions locals (en as zonas rebeldes), o control d’a buega debe estar asumiu por guardias ucrainianos y representants d’OSCE y, en una segunda etapa, antes de cabo d’iste anyo, pasará de tot a la sobiranía ucrainiana”, dició.

L’anfitrión d’a cumbre, o president de Belorrusia, Alexánder Lukashenko, sinyaló que o important agora ye que se cumpla l’alcordau. “Mientres a Historia s’han elaborau a-saber-los documentos, o prencipal ye complir-los. Este proceso ye muito mas complicau que creyar-los y no se puede aconseguir en diyas”, adhibió. Por o que fa a os detalles lochisticos, Lukashenko comentó que “les hemos dau de minchar con productos de Rusia y de Belorrusia. Han minchau uegos, queso, productos lactios, y han bebiu quantos cubos de café”.

Fuent: http://www.eldiario.es/internacional/intervencion-alemana-permite-acuerdo-Ucrania_0_355914825.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.