A la fin una victoria d’o Uesca

Os azulgranas deixan o zaguer puesto d'a clasificación en ganar 2-0 a Las Palmas

A Sociedat Esportiva Uesca aconsiguió a suya primera victoria d’a temporada en casa, y mantenió por primer vegada a suya portería a zero en o que va de campeonato, en vencer en un partiu comodo debant d’a UD Las Palmas que no oposó resistencia.

Dende o prencipie d’o partiu o Uesca se fació duenyo d’a posesión con un chugo vistoso que no se i heba visto dende fa muito en L’Alcoraz. Sin claras ocasions de gol os locals plegaban ta la portería de Barbosa, con un Javi Martínez muit encertau por a banda dreita.

Os canarios teneban más ficacio en desfer o chugo d’o Uesca que en creyar o suyo propio. Os de Quique Hernández tocaban en o centro d’o campo con un gran  Lluis Sastre, que estió pieza clave en o chugo d’o Uesca.

En o menuto 33 le plegó un balón en largo a Gilvan que trencando o difuera de chugo se quedó debant d’o portero vesitant que li ganó o man a man, replegando o refuse Roberto que estió espaldau por Barbosa cometendo un claro penalti que le suposó a expulsión. A pena maxima la lanzó Camacho por a dreita y Raul Lizoain, que salió por Portillo, no podió detener.

En prencipiar a segunda meitat o Uesca salió con a mesma tonica de tocar y poseyer o balón. Un corner botau por Lluis Sastre que remató Roberto de cabeza estió o segundo gol y dio tranquilidat a os locals. Roberto feba o suyo primer gol d’ista temporada..

Con ista victoria, o Uesca deixa a coda d’a clasificación y queda en o puesto 21 con 11 puntos, os mesmos que o Cartagena.

Una rispuesta a A la fin una victoria d’o Uesca

  1. Forza Uesca!!! Imos entadebant!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.