A librería virtual d’a UNED se instala en Balbastro

A librería conta con un fundo de 35.000 libros.

Autoridatz vistando as instalacions (Foto: D.Ch.A.)

Autoridatz vistando as instalacions (Foto: D.Ch.A.)

O centro adscrito de Balbastro d’a UNED será en iste curso 2013-2014 l’encargau de distribuyir os libros a los más de 200.000 alumnos que fan parti d’a Universidat Nacional d’Educación a Distancia.

A librería ye en un local de 700 metros cuadraus, dende a on que s’han prencipiau a distribuyir os eixemplars que fa servir l’alumnalla d’ista universidat. Con ixo s’han creyau diez puestos de treballo eventuals y conta con l’aduya de l’equipo informatico d’a UNED de Balbastro y d’a librería presencial y virtual Valentina Cancer d’o centro.

A librería virtual conta con un fundo de 35.000 textos y mueve un volumen de 250 paquetz como media a o diya, con una capacidat t’atender demandas a ran internacional. Dolores Serrat, a consellera d’Educación que estió iste martes conoixendo as instalacions ha remerau que Balbastro ya estió pioner fa tiempos con a valisa virtual d’examens y agora fa unatro trango enta debant”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.