A Liga Arabe constata que a violencia contina en Siria

Estudea si demanda refirme a la ONU en a misión d'observadors que evalua o cumplimiento d'os alcuerdos ta estabilizar o país

Protestas en Sirira (Foto: anticapitalistes.net)

Protestas en Sirira (Foto: anticapitalistes.net)

A misión de cusiradors d’a Liga Arabe en Siria ha constatau que a violencia contina y que as fuerzas militars i continan desplegadas. Seguntes o informe preliminar de l’organismo, bi ha  vehiclos de l’exercito en muitas ciudatz y tamién calabres. Oposición y gubierno s’acusan l’un a l’atro d’estar os autors d’os asesinatos.

Ahiere vintitres personas estioron muertas en una nueva chornada de represión, seguntes os comités de coordinación local, una colla opositora. Bi habió concaramientos en ciudatz como Daraa, Homs y Deir Ezzor.

Se preveye que a escape a Liga Arabe decida si demanda a las Nacions Unidas asistencia en a misión de cusiradors que bi ha en Siria encargada de verificar a implementación de l’alcuerdo ta estabilizar a situación en o país.

A ONU calcula que, dende que prencipió a revuelta o marzo pasau, más de 5000 personas son estadas abatidas por as fuerzas de seguridat d’o rechimen de Baixar al-Assad.

Fuent: http://www.vilaweb.cat/noticia/3968894/20120108/lliga-arab-constata-violencia-continua-siria.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.