A lo menos seis miners muertos por un escape de gas en Lión

Un escape de gas grisú mata a seis miners en a provincia de Lión y deixa a beluns mas en estau critico. Ye l'accident mas grau en 18 anyos en a minería

Pozo Emilio del Valle. Foto: Hullera Vasco Leonesa

Pozo Emilio del Valle. Foto: Hullera Vasco Leonesa

Seis treballadors d’a mina Pozo Emilio del Valle, en Santa Lucía, en o municipio lionés de La Pola de Gordón han muerto por un escape de gas grisú en a explotación d’a interpresa Hullera Vasco Leonesa. Os seis miners morioron en o pozo y i hai atros cinco mas afectaus por a intoxicación y beluns en estau critico en l’hespital de Lión. Un d’os miners ha muerto mientres prebaba d’aduyar a os suyos companyers.

Sobre as 14 h. de hue s’ha rechistrau o suceso, en o pozo seteno d’a setena planta. Una bolsa de gas grisú se detectó, pero a os treballadors no les vagó nian de meter-se a mascaruta de protección. Atros miners los troboron, dando-ne treslau a os servicios d’emerchencia, desplazando-se-ie qualques ambulancias con soporte vital basico y un helicoptero medicalizau, Guardia Civil, Policía Local y Bombers. 116 miners yeran en ixe momento treballando en a mina.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.