A Loncha aculle l’universo documental d’a fotografía de Catalá-Roca

Un total de 147 imachens y un audiovisual repasan a trayectoria profesional y vital d'un renovador d'a fotografía.

Una d'as imachens d'a exposición

A Loncha de Zaragoza aculle dende hué a o 23 d’abril una exposición de Francesc Catalá-Roca, una d’as grans figuras d’a renovación d’a fotografía contemporania en l’Estau Espanyol y, tamién, un d’os prencipals referents d’a fotografía documental de l’Estau. Iste artista, que ha deixau un fichero de mas de 200.000 negativos, realizó en os decenios d’os 50 y 60 innombrables fotografías que refleixaban aspectos d’a sociedat d’a epoca de traza precisa, sucheridora y, de vez, critica. Yeran scenas que se desembolicaban quasi siempre en a carrera, que ilustraban a modas, as diferents formas de vida, as tradicións, a presencia d’os esferents estamentos socials u o papel d’a muller.

A muestra consta de 147 fotografías, todas en blanco y negro, y un audiovisual de 20 minutos de duración en o qual amaneixe l’artista y o suyo entorno más amanau contando a suya trayectoria vital y profesional.

A exposición contará con visitas menadas ta escolars de martes a viernes a las 10.00 y 11.00 horas y ta collas en cheneral de martes a viernes a las 17.00 horas. Serán d’o 15 de febrero a o 20 d’abril.

A exposición, producida por a Fabrica con a Fundación Barrié, cuenta con a colaboración d’o Colechio Oficial d’Arquitectos de Catalunya y d’o Concello de Zaragoza. O fotografo Chema Conesa ye o comisario d’ista muestra.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.