A luenga aragonesa, protagonista d’unas chornadas en Tarazona

Dende o miercols dica o domingo l'aragones tendra o suyo espacio en a capital d'o Moncayo

A Colla Gonzalo Ferrer de l’Asociación Cultural Nogará en Tarazona ha organizau ta ista semana as II Chornadas d’as luengas d’Aragón. L’obchectivo d’istas actividatz ye mantener informada y formada a la población turiasonense sobre a realidat lingüistica d’Aragón y promocionar, igualment, os cursos de luenga aragonesa que se’n ufrirán ista anyada: o curso d’aragonés t’adultos d’a Colla Gonzalo Ferrer, o d’aragonés t’alumnos de l’instituto en colaboración con l’IES Tubalcaín, igual como a posibilidat d’ufrir dende as AMPAS d’os centros escolars una extraescolar d’aragonés.

As chornadas se desembolicarán en a Sala Albiana (Avda. Navarra, 2), con o siguient programa:

Miercols 19 20.00. Presentación de cursos y de programación d’actividatz. A situación de l’aragonés.

Chueves 20 20.00. ‘Nombres aragoneses de lugar y de persona d’a Comarca de Tarazona. Toponimia y antroponimia’. Sala Albiana.

Viernes 21 18.00. Seminario sobre luenga aragonesa. Sala Albiana.

En o preto d’istas chornadas, antimás, tendrá lugar un seminario sobre a luenga aragonesa que prencipiará o viernes a las 18.00 en a propia sala Albiana y que continará o sabado a las 10.00 en o CEIP Joaquín Costa. Ta compartir con os turiasonenses ista iniciativa, ye previsto contar con o Dance de Sant Chusé a la 13.00 d’o sabado, que saldrá dende o colechio d’o Muro enta la plaza Viella, do nos ofreixerá una muestra d’as suyas mudanzas. De tardes continará y rematará o seminario en o colechio Joaquín Costa.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.