A “Marcha ta Uesca por a Sanidat” mete o primer cantal d’un Hespital Publico t’Alcanyiz

Continan as movilizacions en esfensa d'a Sanidat publica

marcha

Imachen d’a marcha (Foto: Arainfo)

Más de 200 personas prencipiaban,  a piet y en bicicleta, en o maitin d’o sabado 18 d’octubre en Alcanyiz a “Marcha ta Uesca por a sanidat publica”, que recorrerá Aragón, denunciando retalladas y privatizacions d’os gubernants en iste servicio basico. Meter o primer cantal de traza simbolica d’un hespital 100% publico en Alcanyiz (frent a lo privatizau -y más caro – que planteya o conseller Oliván-, ye estada la primer acción d’ista ruta de totz os colectivos d’a “marea blanca” aragonesa, que plegará o diya 22 en Uesca, coincidindo con l’encetar d’o congreso de “costes sanitarios”, a on que participarán os responsables d’o desmantelamiento d’a sanidat en tot l’Estau.

A marcha pasó dimpués por diferents lugars d’o Baixo Aragón y d’a ribera de l’Ebro (Ixar, Quinto, Lo Burgo, …) dica plegar en Zaragoza, a on que remató en o Paraninfo, antesmás Facultat de Medicina de Zaragoza).

Uesca, un bullir d’aicions contra las retalladas y privatizacions en a sanidat publica.

De vez, en Uesca, en a chornada d’ixe sabado 18, miembros d’os movimientos d’Aragón contra la privatización sanitaria presentaban as aicions que se van a fer en Uesca en una rueda de prensa rebutient de chent.

En o mesmo tiempo, a ciudat se implió de mesas informativas sobre la problematica sanitaria y anunciando istas iniciativas, que atendebena usuarios y profesionals sanitarios y miembros d’os colectivos ciudadans d’a capital uescana.

Toda una semana d’aicions

A marcha por a sanidat continó iste domingo a piet dende Zaragoza enta l’Alto Aragón, pasando por Penyaflor y Zuera, a on que lo concello negó acubillar a la chent que yera en a marcha.

Iste lunes marchan ent’Almudevar, a on que s’aspera que pleguen a las 17:00. Y o diya 21 dica Uesca a on que serán recibiu en a plana d’o fosal, a las 17:30

O diya 22 se ferá un camín simbolico dende l’Hespital Sant Chorche dica lo Palacio de Congresos, ta participar en a concentración que se i ferá a las 11:30.

Una mesa redonda, ixe diya a las 18.00 horas en l’Asociación de Vecins Juan de Lanuza y a manifestación d’o diya 23, que surtirá a las 19:00 d’o Palacio de Congresos, siede d’a trobada oficial, zarrarán ista semana de movilización en esfensa d’a sanidat, que tien o suyo epicentro en Uesca.

Fuent: http://arainfo.org/2014/10/la-marcha-a-uesca-por-la-sanidad-pone-la-primera-piedra-de-un-hospital-publico-para-alcanyiz/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.