A mitica sala King Kong no ubrirá por agora as suyas puertas por problemas con os vecins

Se suspende a devantadera y o concierto de Triángulo de amor bizarro, previsto ta iste viernes

cartelDimpués de quince anyadas zarrada, a zaragozana sala King Kong, en a carrera Monasterio de Rueda, iba  a tornar a ubrir as suyas puertas iste chueves conos DJs Ivan De Ramos y Sweet Drinkz. Manimenos isto no será posible debiu a un pleito con os vecins. A tamás de que a sala tien a licencia municipal y totz os papels en regla, os vecins han bloqueyau a salida d’emerchencia d’a sala que, por agora suspende a devantadera y o concierto de Triángulo de amor bizarro previsto ta iste viernes y que ubriba a programación d’ista nueva etapa.

Encara no se sabe qué será d’a resta de conciertos que bi heba programaus. Entre atros, yeran confirmaus nombres como Estereotypo, Cápsula, Manel, Lost Acapulco, G.B.H. u Mama Kin.

A King kong ha esviellau a suya imachen y, antimás de mosica, tamién s’ubre a atras expresions cultural como lo cine. Asinas, King Kong acullirá, si ye que puede ubrir,  entre o 16 y o 20 d’octobre a II edición d’o festival de cine “A uellada tabú”, un concuros que “anima a los realizadors a que amostren a suya uellada sobre lo censurau, lo viedau u lo politicament incorrecto”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.